H . Kev Cais Tawm thiab Kev Ntiab Tawm
1 . Kev cais tawm yog ib txoj kev ua los ntawm Pawg Tswj Xyuas Tsev Kawm Ntawv los tiv thaiv kev muab ib tug tub ntxhais kawm ntawv rau npe kawm ntawv los sis rov muab ib tug tub ntxhais kawm ntawv rau npe kawm ntawv mus ib ntus uas tsis pub txuas ntxiv dhau xyoo kawm ntawv .
2 . Kev ntiab tawm yog ib txoj kev ua los ntawm Pawg Tswj Xyuas Tsev Kawm Ntawv los txwv ib tug tub ntxhais kawm ntawv uas twb rau npe kawm ntawv lawm tsis pub tuaj kawm ntawv mus ib ntus uas tsis pub txuas ntxiv dhau xyoo kawm ntawv pib ntawm hnub uas tus tub ntxhais kawm ntawv raug tshem tawm rau txoj kev ua txhaum uas yuav ntiab tawm tau .
3 . Yuav siv kev cais tawm thiab kev ntiab tawm raws li hauv Pupil Fair Dismissal Act ( Tsab Cai Tshem Tawm Me Nyuam Kawm Ntawv Kom Ncaj Ncees ) thiab Anoka-Hennepin Cheeb Tsam Tsev Kawm Ntawv txoj cai .
VI . KEV KAWM NTAWV THAUM LUB CAIJ NTUJ SOV
A . Kev kawm ntawv thaum lub caij ntuj sov mas tsis yog xeev los sis nom tswv teb chaws txoj kev pab uas yuav tsum tau muaj , thiab cov tub ntxhais kawm ntawv tsis tas yuav tsum tau mus kawm . Anoka-Hennepin Cheeb Tsam Tsev Kawm Ntawv Tus Zauv 11 muaj cov cai thiab cov cai tswj kav hais txog kev muab qhab nias ( credit ) rau cov chav kawm hauv kev kawm ntawv thaum lub caij ntuj sov ; qhov tseem ceeb cov cai tswj kav no hais tias cov neeg koom yuav tsum tau kawm mus pauj txhua hnub ncua hauv kev kawm ntawv thaum lub caij ntuj sov mas thiaj li yuav kawm tiav cov teev uas yam tsawg yuav tau kawm thiaj li tau qhab nias rau chav kawm ntawd . Cov kev ncua heev dhau lawm mas tej zaum yuav tau muab tus tub ntxhais kawm ntawv tshem tawm hauv chav kawm thaum lub caij ntuj sov uas tau qhab nias .
B . Cov niam txiv thiab cov tub ntxhais kawm ntawv yuav tsum tau ceev faj tias kev kawm ntawv thaum lub caij ntuj sov mas nws txawv kev kawm ntawv hauv xyoo kawm ntawv li niaj zaus vim tias tsis muaj cov kev pab qhia ntawv sab nraud rau cov tub ntxhais kawm ntawv uas muaj teeb meem txog kev ncua ntawv thiab / los sis kev coj cwj pwm . Yuav tshem cov tub ntxhais kawm ntawv tawm hauv kev kawm ntawv thaum lub caij ntuj sov rau cov kev ua txhaum hauv tus cai coj xeeb cwm .
C . Anoka-Hennepin Cheeb Tsam Tsev Kawm Ntawv Tus Zauv 11 lees paub tias nws muaj txoj luag hauj lwm los qhia rau cov tub ntxhais kawm ntawv txog cov tswv yim hauv kev taug li txoj cai . Kev taug li txoj cai yog kev siv cov txheej txheem uas yog thaum ua raws li txoj cai ces lees tias yuav muaj kev tiv thaiv cov cai sib npaug . Ua ntej yuav tshem ib tug tub ntxhais kawm ntawv tawm hauv kev kawm ntawv thaum lub caij ntuj sov , yuav ua raws li cov feem hauv kev taug li txoj cai .
D . Yuav siv Anoka-Hennepin Cheeb Tsam Tsev Kawm Ntawv tsab cai txog kev qhuab qhia rau kev kawm ntawv thaum lub caij ntuj sov .
VII . TSAB CAI TXOG KEV SIB TXUAS LUS / KEV YAIS TAWM
A . Cov kev luam ntawv tawm : Yuav luam thiab yais tsab cai no tawm txhua xyoo rau tag nrho cov tub ntxhais kawm ntawv uas siv ib los sis ntau tshaj ib txoj kev nram qab no : luam rau hauv tub ntxhais kawm ntawv phau ntawv qhia ; luam rau hauv tus tswj fwm tsev kawm ntawv tsab ntawv xov xwm rau cov niam txiv uas yuav thov kom cov niam txiv tham txog tsab cai nrog tus tub ntxhais kawm ntawv ; luam rau hauv cov phau ntawv me me uas muab yais tawm ; thiab / los sis luam rau hauv cov ntawv uas xa rau cov niam txiv thoob plaws hauv cheeb tsam .
B . Kev Txhawb Ntxiv Raws Lub Tuam Tsev Theem ( Building-level Supplement ): Tus tswj fwv lub tsev kawm ntawv hauv lub tuam tsev yuav muab kev txhawb ntxiv rau tsab cai no uas muaj cov cai thiab cov cai tswj kav rau ib lub tuam tsev twg . Tiam sis , tsis muaj ib txoj cai los sis txoj cai tswj kav twg uas yuav tsis yoog raws li tsab cai hauv Pawg Tswj Tsev Kawm Ntawv .
C . Nthuav Tawm rau Cov Tub Ntxhais Kawm Ntawv : Tsab cai no thiab cov cai thiab cai tswj kav hauv lub tuam tsev uas txhawb ntxiv ntawd yuav muab los saib xyuas dua nrog cov tub ntxhais kawm ntawv hauv cov chav kawm thaum pib hauv txhua xyoo kawm ntawv .
D . Saib Xyuas Dua Txhua Xyoo : Tus tswj fwm tsev kawm ntawv thiab cov neeg ua hauj lwm sawv cev thiab cov tub ntxhais kawm ntawv hauv txhua lub tuam tsev kawm ntawv yuav los sib tawm tswv yim yam tsawg ib zaug ib xyoos twg los saib xyuas cov cai qhuab qhia thiab los xyuas seb tsab cai puas tsim nyog thiab puas coj yoog . Cov kev xav kom hloov yuav mus xa mus rau Tus Thawj Tswj Cheeb Tsam Tsev Kawm Ntawv soj ntsuam .
Siv Tsab Cai : Kev Siv Lub Cev Thab Plaub / Sib Ntaus
Tau hais txog kev siv lub cev thab plaub / sib ntaus tau teev tseg nyob hauv tshooj III , B , # 6 ntawm Anoka-Hennepin Feem ua hauj lwm kev kawm txoj kev cai . Cov kev cov nyom ntawm cov tub ntxhais kawm ntawv mas yuav tsum tau qhia rau cov neeg ua hauj lwm hauv lub tsev kawm ntawv thiab tom qab ntawd siv tus txheej txheem sib kho kom haum xeeb thiab kev daws teeb meem , uas muaj hauv koj lub tsev kawm ntawv . Anoka-Hennepin Cheeb Tsam 11 muaj kev ruaj siab los tsim ib qho chaw zoo rau hauv tag nrho peb cov tsev kawm ntawv , uas tag nrho cov tub ntxhais kawm ntawv yuav xis nyob , muaj kev ruaj ntseg thiab npaj kawm ntawv , li no tsis muaj chaw hauv peb cov tsev kawm ntawv rau kev siv lub cev los thab plaub / kev sib ntaus . Kev siv lub cev los thab plaub / kev sib ntaus mas yog ib tug xeeb ceem uas cuam tshuam loj kawg nkaus hauv lub tsev kawm ntawv , li no Anoka-Hennepin cov kev yuav txais tau los ntawm kev coj cov xeeb ceem zoo li no mas nws phem heev .
Yuav siv cov kev yuav tau txais nram qab no yog pom tias ib tug tub ntxhais kawm ntawv tau siv lub cev mus thab plaub rau lwm tus tub ntxhais kawm ntawv los sis yog tias yuav tau tuav ib tug tub ntxhais kawm ntawv kom thiaj li tiv thaiv tau kev ua phem rau lwm tus tub ntxhais kawm ntawv . Kev siv lub cev mus thab plaub yuav txhais tau tias yog : kev siv lub cev mus ua phem rau lwm tus tub ntxhais kawm ntawv los sis lwm pawg tub ntxhais kawm ntawv tsis hais seb leej twg yog tus xub pib , uas tus tub ntxhais kawm ntawv txhob txwm ua kom raug mob los sis sim ua kom raug mob rau lwm tus neeg lub cev . Yuav siv cov kev yuav tau txais tsis hais seb qhov teeb meem ntawd tshwm sim hauv tsev kawm ntawv , hauv cheeb tsam thaj chaw , hauv cheeb tsam lub tsheb , los sis hauv lub tsev kawm ntawv / cheeb tsam cov kev ua si . Tej zaum tseem yuav siv cov kev yuav tau txais rau cov kev ua txhaum hauv lwm qhov chaw , tiam sis muaj feem ncaj qha rau lub tsev kawm ntawv cov kev pab cuam los sis cov kev ua si .
Cov txheej txheem ntsig txog kev txw / ntxias / Pab kev ua phem rau tib neeg
kev txw / ntxias / Pab kev ua phem rau lub cev – kev koom ua phem rau tib neeg uas yog hais lus phem los sis coj xeeb ceem phem los sis thaiv kev vam meej ntawm ib tug tswv cuab uas los cheem kev ua phem rau tib neeg .
Ib tug neeg tuav tswj yuav siv nws qhov kev ntaus nqi los txiav txim yog toas nws muaj kev ua txhaum rau txoj cai kev txw / ntxias kom ua phem .
Tus neeg tuav txoj dej num , nrog kev pom zoo los ntawm tus neeg pab tus thawj tswj cheeb tsam tsev kawm ntawv , yuav siv tau nws txoj kev txiav txim siab los siv cov kev yuav tau txais uas tsim nyog ntxiv thaum uas tsim nyog kom muaj kev ruaj ntseg rau tag nrho cov tub ntxhais kawm ntawv .
Tag nrho tsoom fwv thiab xeev cov kev cai lij choj thiab cov cai hais txog kev kawm ntawm cov tub ntxhais kawm yuav tau siv nyob rau cov txheej txheem cai no
Txhaum thawj zaug : a . tej zaum yuav tau so
b . nrog niam txiv thiab tub ntxhais kawm tham txog cov tswv yim daws teeb meem uas tsim nyog .
c . niam txiv thiab tub ntxhais kawm yuav raug ceeb toom txog qhov yuav tshwm sim los ntawm Feem saib xyuas tsev kawm ntawv txoj cai txw / ntxias / Pab Kev Thab Plaub nrog rau kev ntiab tawm
Txhaum zaum ob : a . so
b . nrog niam txiv thiab tub ntxhais kawm tham txog cov tswv yim daws teeb meem uas tsim nyog .
c . niam txiv thiab tub ntxhais kawm yuav raug ceeb toom txog qhov yuav tshwm sim los ntawm Feem saib xyuas tsev kawm ntawv txoj cai txw / ntxias / Pab Kev Thab Plaub nrog rau kev ntiab tawm