KEV PAB CUAM TSHWJ XEEB TXOG KEV KAWM NTAWV for early childhood
Cov me nyuam thaum yug txog thaum muaj tsib xyoos uas muaj tej yam teeb meem uas xav tau kev pab tshwj xeeb tej zaum yuav tsim nyog rau kev pab los ntawm Anoka-Hennepin Early Childhood Special Education ( Anoka-Hennepin Kev Qhia Ntawv Tshwj Xeeb Rau Me Nyuam Yaus Thaum Ntxov ) ( ECSE ) cov kev pab cuam . Cov tub ntxhais kawm ntawv yuav muaj raws li ib qho ntawm 13 qho kev tsis taus . Tag nrho cov cheeb tsam tsev kawm ntawv hauv xeev yuav tsum tau muaj cov kev pab qhia ntawv rau cov me nyuam muaj hnub nyoog pib kawm ntawv ( yug txog tsib xyoos ) uas ua qhia tau tias muaj kev loj hlob qeeb . Cov me nyuam uas zoo nkaus li muaj teeb meem hauv cov kev loj hlob xws li kev hais lus , kev xav , kev siv tes taw ua ub no , los sis kev sib raug zoo nrog lwm tus neeg thiab kev txawj pab tus kheej tej zaum yuav tsim nyog rau cov kev pab . Kev tsim nyog yog txiav tixm los ntawm ib qho kev soj ntsuam uas txiav txim seb tus me nyuam txawj li cas . Yog pom tias tus me nyuam tsim nyog , yuav npaj ib qho Kev Pab Kev Kawm Ntawv rau Ib Tug Kheej ( Individualized Educational Program - IEP ) los sis Kev Npaj Pab rau Ib Tsev Neeg ( Individualized Family Service Plan - IFSP ) uas cia tsev neeg tawm tswv yim los pab .
Cov kev pab rau cov me nyuam thaum yug txog hnub nyoog ob xyoos :
Cov me nyuam uas muaj peb xyoos rov hauv mas feem ntau tau txais cov kev pab hauv lawv lub tsev los sis hauv qhov chaw zov me nyuam los ntawm ib tug kws qhia ntawv , ib tug kws qhia lus , ib tug kws pab kom lub cev ua tau hauj lwm . Yuav tsim ib daim Individual Family Service Plan ( Tsab Ntawv Teev Kev Pab Rau Ib Tse Neeg ) ( IFSP ) uas muab los ntawm cov kev soj ntsuam tau ntawd thiab cov tswv yim los ntawm tus me nyuam tsev neeg . Qhov yuav muab kev pab heev npaum cas thiab ntau npaum cas mas nws nyob ntawm seb tus me nyuam xav tau kev pab npaum cas thiab tsev neeg lub sij hawm .
Cov kev pab rau cov me nyuam muaj peb xyoos txog tsib xyoos :
Rau cov me nyuam muaj peb xyoos rov saud lawm , feem ntau yuav xav kom muab kev pab hauv chav qhia ntawv tshwj xeeb los sis hauv ib qho kev pab cuam qhia ntawv rau cov me nyuam pib mus kawm ntawv hauv lub zej zos .
Txheej xwm tiv tauj Pab Kom Kuv Loj Hlob ( Thaum Yug txog Tsib Xyoos ) – 1-866-693-4769 Anoka-Hennepin ECSE Office – 763-433-4800 Special Education Advisory Committee ( SEAC ) - 763-506-1362 .
Kev pab cuam tshwj xeeb txog kev kawm ntawv rau qib kindergarten txog thaum muaj hnub nyoog 21 xyoos
Cov kev pab qhia ntawv tshwj xeeb yog muab rau cov tub ntxhais kawm ntawv thaum yug txog thaum muaj hnub nyoog 21 xyoos uas tau soj ntsuam thiab pom tias muaj raws li ib qho ntawm 13 pawg kev tsis taus raws li txheeb los ntawm nom tswv teb chaws txoj cai .
• Loj hlob qeeb ( yug txog hnub nyoog xya xyoo )
• Ib qho kev tsis taus uas puas rau phab nrog lwm tus tham thiab koom nrog lwm tus .
• Dig muag / tsis pom kev .
• Tsis hnov lus-dig muag .
• Tsis hnov lus thiab hnov lus tsis zoo .
• Cov kev xav qeeb me me-hauj sim .
• Cov kev xav qeeb hauj sim-loj .
• Kev ntsawv siab los sis kev tsiv siab .
• Lwm cov kev tsis tau ntawm txoj kev noj qab haus huv .
• Lub cev tsis taus .
• Kev kawm tsis tau ib qho ntawv twg .
• Kev hais lus tsis meej .
• Kev raug mob loj rau lub hlwb .
Cheeb tsam tsev kawm ntawv muaj cov kev pab puv ntoob rau cov tub ntxhais kawm ntawv uas pom tias xav tau cov kev pab qhia ntawv tshwj xeeb . Rooj sab laj txog Phiaj Xwm Kev Kawm Ntawv Ntawm Tus Kheej ( Individual Education Planning , IEP ) tau tsa sawv tom qab qhov kev soj ntsuam txog kev kawm ntawv tshwj xeeb . Cov neeg ua hauj lwm hauv cheeb tsam tsev kawm ntawv ua hauj lwm nrog tus tub ntxhais kawm ntawv niam thiab txiv / tsev neeg los txiav txim seb cov hom phiaj thiab qhov uas xav kom tau twg yog cov tsim nyog kom pab tau tus me nyuam cov kev xav tau . Pawg neeg txiav txim seb yuav tsum tau muaj cov kev qhia ntawv tshwj xeeb dab tsi thiab seb cov kev pab uas muaj feem twg yog cov uas tsim nyog . Cov tub ntxhais kawm ntawv uas pom tias xav tau kev pab qhia ntawv tshwj xeeb yuav tau txais kev qhia ntawm los ntawm ib tug kws qhia ntawv tshwj xeeb . Tej co tub ntxhais kawm ntawv yuav tsum tau muaj kev txhawb nqa ntxiv hauv lwm yam xws li hauv kev siv lub zog , kev hais lus , pom kev los sis hnov lus .
Thaum qhov hom phiaj yog muaj txhawm rau kom cov tub ntxhais kawm raug qhia nyob rau hauv lawv lub tsev kawm hauv zej zog , nws tsis yog yuav haum mus raws tus tub ntxhais kawm li kev xav tau ntawm lawv tus kheej tas li xwb . Cov tub ntxais kawm cov kev xav tau faj seeb yuav tuaj yeem raug hloov mus raws qhov phiaj xwm uas yog qhov taws qhia tau zoo tshaj plaws txog nws li kev xav tau . Kev xav tau ntawm kev kawm , kev ua hauj lwm , thiab kev coj uas tau raug taw qhia hauv cov phiaj xwm no yog tuaj yeem muaj ntau , thiab tuaj yeem tswj ua ke tau nrog kev kawm qib nthuav dav , nrog rau ntxiv qhov muaj kuab mus raws lub hom phiaj . Qee leej tub ntxhais kawm ua rau pom tau txog cov kev xav tau uas ntau tshaj yam uas tuaj yeem muab tau hauv cov tsev kawm / cov chaw dog dig , thiab tej zaum kuj raug saib xyuas los ntawm River Trail Learning Center , uas yog ib qhov chaw kawm faj seeb .
Yog hais tias niam txiv muaj kev txhawj xeeb tias lawv tus me nyuam muaj teeb meem kawm ntawv los sis muaj teeb meem txog kev coj cwj pwm hauv tsev kawm ntawv lawv yuav tsum tau nug rau lawv tus me nyuam tus kws qhia ntawv los sis tus thawj saib xyuas hauv tsev kawm ntawv los tham txog cov kev txhawj xeeb no . Feem ntau lub tuam tsev yuav muab qhov teeb meem no mus rau lawv Pawg Neeg Muab Kev Cuam Tshuam los tham txog cov kev tiv thaiv uas tsim nyog thiab seb puas yuav tau ua ib qho kev soj ntsuam . Tej zaum cov menyuam kawm ntawv uas tau kev pab nyob rau cov tsev kawm ntawv hom ntiag tug yuav tau cov kev pab kawm ntawv tshwj xeeb . Yog koj muaj ib qho kev txhawj , thov ceeb toom qhia tus thawj nyob rau koj lub tsev kawm ntawv .
Cov kev pab txhawb nqa rau niam txiv ne ?
Muaj cov pab pawg txhawb nqa rau niam txiv thiab cov pab pawg cob qhia niam txiv rau cov tsev neeg hauv Anoka-Hennepin Cheeb Tsam Tsev Kawm Ntawv . Kev koom tes mas nyob ntawm kev yeem xwb . Cov pab pawg no muab lub sij hawm rau cov niam txiv thiab tsev neeg los ntsib lwm cov tsev neeg uas muaj cov me nyuam uas xav tau kev pab tshwj xeeb thiab los tham txog cov teeb meem uas tseem ceeb los sis tshwj xeeb rau lawv tus me nyuam txoj kev loj hlob .
Seem 504
Tej zaum qho cov menyuam kawm ntawv uas muaj ib qho tsis taus rau luv cev yuav tsis tau cov kev pab kawm ntawv tshwj xeeb . Tej zaum cov menyuam kawm ntawv no muaj cai tau kev pab nyob rau Seem 504 ntawm txoj Cai Pab Kho Kom Rov Zoo ( Rehabilitation Act ) ntawm 1973 , uas txwv tsis pub ntxub txaug vim los ntawm kev tsis taus ib ce . Seem 504 yog ib txoj cai tsis cia-ntxub ntxaug rau pej xeem uas kom cov menyuam kawm ntawv ib ce tsis taus yuav tsum tau kev pab txhij txhua tib yam li cov uas ib ce taus . Yog ib tug menyuam kawm ntawv muaj ib qho tsis taus lub hlwb los sis ib ce uas muaj teeb meem rau nws kev kawm nyob rau tsev kawm ntawv , cov niam txiv yuav tau cuag nrog lawv tus menyuam tus xib fwb los sis tus thawj txog rau lawv cov kev txhawj xeeb .
Kev zov cov me nyuam muaj hnub nyoog kawm ntawv
Mus xyuas ntawm ahschools . us / adventuresplus es saib Adventures Plus phau ntawv qhia rau niam txiv , cov lus qhia txog kev rau npe thiab lwm cov chaw muab kev pab rau cov tsev neeg .