cards ), los sis lwm cov khoom uas cov neeg ua hauj lwm hauv lub tsev kawm ntawv pom tias yog ib qho khoom cuam tshuam .
Yog tias koj muaj lus nug txog seb puas yuav nqa tau ib qho khoom tuaj rau tom tsev kawm ntawv , nug tau rau cov neeg ua hauj lwm hauv lub tsev kawm ntawv .
Lub tsev kawm ntawv tsis thaj tsob rau cov khoom uas xiam , pauv , raug nyiag los sis puas uas yuav tsum tau tsis txhob nqa tuaj rau hauv tsev kawm ntawv raws li cov kev taw qhia no . Cov khoom uas ua ib qho xeeb txob tej zaum yuav muab txhav mus thiab muab rov qab rau nws lwm lub sij hawm . Tej zaum yuav qhuab qhia ntxiv raws li pawg tswj lub tsev kawm ntawv txiav txim .
Cov lus ceeb toom tshwj xeeb txog cov khoom siv hluav taws xob : Vim muaj coob tus muaj cov xov tooj ntawm tes thiab lwm cov twj uas siv hluav taws xob , cov niam txiv thiab cov neeg saib xyuas yuav tsum tau ras tias cov tsev kawm ntawv yuav tsis thaj tsob rau cov khoom uas xiam , raug nyiag los sis puas – tsis hais seb nws kim npaum li cas . Cov tub ntxhais kawm ntawv uas nqa cov no tuaj rau hauv tsev kawm ntawv nws nqa tuaj raws nws kev pheej hmoo xwb . Nco ntsoov hais tias cov tsev kawm ntawv qib theem pib tsis muaj cov chaw rau khoom uas xauv tau , thiab cov khoom uas ua ib qho kev cuam tshuam yuav raug txhav los ntawm tus kws qhia ntawv ( los sis lwm tus neeg ua hauj lwm txoj kev txiav txim ) thiab yuav muab rov qab rau nws lwm lub sij hawm .
Kev tshawb cov chaw rau khoom thiab cov rooj sau ntawv
Tus tub ntxhais kawm ntawv cov chaw rau khoom thiab cov rooj sau ntawv mas yog lub tsev kawm ntawv thiab cheeb tsam tsev kawm ntawv li thiab li no cov neeg ua hauj lwm hauv lub tsev kawm ntawv yuav tshawb tau .
Saib ntxiv hauv kev tshawb thiab kev txhav hauv cheeb tsam tsab cai txog kev qhuab qhia nyob rau nplooj 27 .
Tsev rau dev thiab thiab chav so tsev nyob rau theem ob
Yuav kom tag nrho Anoka-Hennepin cov tub ntxhais kawm ntawv thiab cov neeg ua hauj lwm muaj kev ruaj ntseg , cov neeg saib xyuas lub tuam tsev feem ntau koom tes nrog tub ceev xwm los ua ib qho kev siv tus dev los tshawb cov chaw nres tsheb thiab cov chaw rau khoom . Cov kev tshawb no mas yuav cia li tshawb hauv lub xyoo tsis hais lub sij hawm twg li thiab lawv lub hom phiaj yog los tiv thaiv kom cov neeg tsis txhob nqa tshuaj los sis yeeb tshuaj rau hauv lub tsev kawm ntawv thaj chaw . Peb xav ua li qhov peb ua tau los xyuas kom muaj ib puag ncig uas ruaj ntseg thiab zoo rau kev kawm ntawv .
COV KEV PAB CUAM TSHWJ XEEB THIAB COV KEV PAB
Lwm cov kev pab cuam rau cov tub ntxhais kawm ntawv qib theem nrab thiab qib theem siab
Anoka-Hennepin Cheeb Tsam Tsev Kawm Ntawv muaj lwm cov kev kawm rau cov tub ntxhais kawm ntawv hauv theem siab thiab tsev kawm ntawv theem nrab uas kawm tsis tau hauv cov tsev kawm ntawv rau sawv daws . Cov tub ntxhais kawm ntawv no raug xa mus rau cov kev pab cuam no los ntawm lawv lub tsev kawm ntawv theem siab los sis lub tsev kawm ntawv theem nrab . Cov kev pab cuam hauv theem nrab muaj :
• Cov chav kawm ntawv theem siab uas siv kev ua tej pawg me , kev kawm ntawm tus kheej los sis kev siv computer qhia ntawv .
• Cov chav kawm uas xaiv uas yuav siv tau rau qhov yuav tsum tau kawm thiaj li tau credit rau daim ntawv kawm tiav .
• Kawm txog hauj lwm .
• Txheej txheem kawm ntawv tus kheej uas yuav siv ua ke nrog cov chav kawm uas muaj hauv qhov kev pab cuam . Cheeb tsam tsev kawm nawv muaj lwm cov kev qhia ntawv uas muaj cov kev xav tau siab los ntawm cov tub ntxhais kawm ntawv :
• COMPASS Programs ( Cov Kev Pab Cuam COMPASS ) pab cov tub ntxhais kawm ntawv hauv qib kawm tsib txog qib kawm 12 , yog xav paub ntxiv hu rau 763-506-1560 .
• Anoka-Hennepin Regional High School , 1313 Coon Rapids Blvd . NW , Coon Rapids , 763-506-7400 , pab cov tub ntxhais kawm ntawv qib kawm kaum txog qib kawm 12 . Qhov no yog ib qho kev kawm tas hnub . Muaj cov chav kawm hauj lwm , tsheb thauj mus los thiab su noj .
• Anoka-Hennepin Technical High School , 1355 W Highway 10 , Anoka , MN 55303 , 763-576-7960 , uas pab cov muaj hnub nyoog 18 xyoo txog 21 xyoos . Lub tsev kawm ntawv no npaj rau kev mus kawm ntawv qib siab thiab npaj ua hauj lwm thaum uas kawm kom tiav daim ntawv kawm tiav . Cov sij hawm mas kawm li cas los tau uas muaj kawm tas hnub , ib nrab hnub thiab kawm online . Cov kev pab ntxiv muaj los ntawm cov rooj cob qhia txog hauj lwm nrog rau kev koom tes nrog STEP , Anoka-Ramsey Community College , University of Minnesota thiab lwm cov tsev kawm ntawv qib siab hauv cheeb tsam . Muaj tshais thiab su noj nrog rau tsheb thauj mus los ntawm txhua lub tsev kawm ntawv theem siab hauv cheeb tsam .
Cov tub ntxhais kawm ntawv yuav cia li mus rau cov tsev kawm ntawv sab nraud los sis xa los ntawm lawv tus thawj saib xyuas hauv tsev kawm ntawv los sis tus neeg pab tawm tswv yim rau lawv . Qhov kev pab cuam yog tsim rau cov tub ntxhais kawm ntawv uas xav tau ib chav qhia uas muaj neeg tsawg , muaj kev kawm li cas los tau los sis rau cov uas kawm tsis tau hauv cov tsev kawm ntawv rau sawv daws . Yog xav paub ntxiv txog lwm cov kev pab cuam hauv Anoka- Hennepin nug tau rau tus thawj saib xyuas tsev kawm ntawv ntawm Anoka- Hennepin Regional High School , 763-506-7400 . Cov tub ntxhais kawm ntawv uas tsim nyog rau lwm cov kev kawm ntawv sab nraud yuav tsum tau kev xa mus rau los ntawm lawv lub tsev kawm ntawv theem siab ua ntej ntawd los sis yuav rov xa tau lawv tus kheej mus kom txais lawv rau hauv qhov kev pab cuam .
Cov cai kev kawm dawb kom txog thaum hnub nyoog 21 xyoo
Cov tub ntxais kawm tus uas kawm tsis tiav thiab ua tsis tiav raws cov kev kawm ua tsum tsum tau ua los yog lossis ua tau raws cov qauv hauv xeev raws li raug ntsuam xyuas los ntawm kev kawm hauv chav kawm , thiab / lossis Cov Kev Ntsuam Xyuas Kev Nkag Siab Hauv Xeev Minnesota ( the Minnesota Comprehensive Assessments , MCA ' s ), yog muaj cai tau txais kev kawm dawb nyob rau thaum ncua sij hawm hnub nyoog 21 xyoos .
Cov kev xaiv kom kawm tiav hauv tsev kawm ntawv theem siab los sis rov qab mus kawm kom tau daim ntawv kawm tiav
Txoj kev pab cuam Graduation Incentives ( Cov Kev Mob Siab Kawm Kom Tiav ) yog tsim los txhawb cov tub ntxhais kawm ntawv theem siab uas kawm tsis tau hauv ib lub tsev kawm ntawv rau sawv daws los sis tau tsum tsis kawm ntawv lawm kom xaiv tau ntau hom kev kawm ntawv kom muaj kev kawm tiav hauv tsev kawm ntawv . Graduation Incentives , tau tsim los ntawm lub xeev , cia cov tub ntxhais kawm ntawv mus rau npe koom rau hauv :
• Lwm cov kev pab cuam kawm ntawv .
• Cov chaw kawm hauv cheeb tsam .
• Kawm ntawv qib siab hauv ib lub tsev kawm ntawv qib siab , ib lub tsev kawm ntawv qib siab ob xyoos los sis ib lub tsev kawm ntawv uas kawm hauj lwm , yog tias tsim nyog .
• Tsoom fwv ib lub tsev kawm ntawv .
• Cov chav kawm Adult Basic Education ( Kawm Ntawv Laus ) uas khiav dej num los ntawm Community Education ( Kev Kawm Ntawv Hauv Zej Zos ). Ib tug tub ntxhais kawm ntawv uas muaj hnub nyoog 15-20 xyoo uas muaj raws li ib qho nram qab no mas tsim nyog los xaiv qhov kev pab cuam ntawm kev kawm ntawv uas tsis yog rau txhua tus :
• Paub lus Asnkiv tsawg los sis hais lus Asnkiv uas hom lus ob .
• Xeem tau qis hauv tus xeem ntawv .
• Poob qab yam tsawg ib xyoos hauv kev kawm kom tiav hauv cov chav kawm .
• Cev xeeb tub los sis yog leej niam los sis leej txiv .
• Pom tias yog ib tug neeg siv tshuaj .
• Tau raug tsim txom ntawm cev los sis kev sib deev .
• Tau muaj teeb meem txog kev puas siab ntsws .
• Tsis muaj tsev nyob li ntawm rau lub hlis tas los .
• Raug xa los ntawm ib cheeb tsam tsev kawm ntawv kom rau npe koom rau hauv ib qho kev pab cuam qhia ntawv uas tsis yog rau txhua tus uas tsim nyog .
• Raug tshem tawm los sis ntiab tawm hauv tsev kawm ntawv .
• Tau rho tawm los sis yog ib tug neeg ncua tsis mus kawm ntawv mus ntev . Yog xav paub ntxiv nug tau rau tus thawj saib xyuas hauv Anoka-Hennepin Regional High School ntawm 763-506-7400 .
2021-22 Tsev Kawm Ntawv Phau Ntawv Qhia ahschools . us / policies 15