COV NIAM TXIV , COV QHUA THIAB COV NEEG UA HAUJ LWM PAB DAWB
Niam txiv txoj dej num hauv cov ntawv nqa mus ua tom tsev thaum nyob qib theem nrab
Hais dav dav , cov tub ntxhais kawm ntawv uas siv sij hawm ntau los ua lawv cov ntawv nqa mus ua tom tsev yuav kawm tau ntawv zoo hauv tsev kawm ntawv . Kev ua kom tiav cov ntawv nqa mus ua tom tsev kom xwm yeem tseem yuav pab cov tub ntxhais kawm ntawv kom ua tau ib tug qauv ua dej num zoo thiab cob qhia tau tus kheej . Thaum uas cov tub ntxhais kawm ntawv qib theem nrab yuav tsum tau paub lawv tus kheej hais tias yuav tsum tau ua kom tiav cov ntawv nqa mus ua tom tsev los , niam txiv yuav pab tau kom lawv ua tau ib cuj pwm zoo .
• Pab koj tus me nyuam kom teeb cov ntawv tom tsev kawm ntawv kom muaj paus ntsis . Txhawb kom nws sau tag nrho cov ntawv yuav tau ua rau hauv ib phau ntawv npaj sij hawm ( planner ) los sis hauv ib phau ntawv sau . ( Muaj phau ntawv npaj sij hawm rau tus tub ntxhais kawm ntawv uas yuav muab rau tag nrho cov tub ntxhais kawm ntawv theem nrab mus rau tsev kawm ntawv theem siab .)
• Pab koj tus me nyuam kom ua tau ib tug cwj pwm ua cov ntawv nqa mus ua tom tsev uas cia kom muaj sij hawm txaus los ua lwm cov dej num ua si tom tsev kawm ntawv nrog rau lub sij hawm ua si nrog phooj ywg .
• Muab ib qho chaw ntsiag to rau nws saib ntawv , deb ntawm lub tv uas yuav los cuam tshuam nws txoj kev saib ntawv .
• Qee zaus cov ntawv nqa mus ua tom tsev nws nyuaj . Thaum koj tus me nyuam thov kom pab nws los sis nyiaj ntxeem , pab koj tus me nyuam nrhiav cov chaw muab kev pab ( cov neeg , cov phau ntawv , thiab cov chaw muaj cov lus qhia ) kom nws ua tau . Tus tub ntxhais kawm ntawv yuav tsum tau nrog tus kws qhia ntawv tham kom tau kev tshab txhais meej . Tsis txhob ua cov hauj lwm rau koj tus me nyuam .
• Muab cov cuab yeej thiab tej ntaub ntawv cwj mem uas tus me nyuam yuav siv . Saib raws koj lub tsev kawm ntawv cov npe khoom siv .
• Muab siab rau txog koj tus me nyuam ccov hauj lwm thiab coj nws mus rau hauv tev nyeem ntawv los sis txhua qhov chaw txhawm rau ua kev tshawb fawb yog yuav tau ua .
Cov kev pab hauv qhov chaw muab xov xwm ( media center )
Cov niam txiv yuav tsum tau sib txuas lus yam kaj siab lug nrog lub tsev kawm ntawv qhov chaw qiv ntawv saib tus kws xyuas txog xov xwm hais txog lawv tus me nyuam cov kev xaiv cov ntawv nyeem . Thov nug koj lub tsev kawm ntawv tus kws xyuas txog xov xwm txog cov kev txhawj xeeb ntawm cov ntawv nyeem los sis lwm cov teeb meem tshwj xeeb uas koj tsev neeg muaj . Yuav muab cov kev pab kom tau raws li koj tus me nyuam cov kev xav tau .
Kev ua niam ua txiv mas nws nyuaj … cov kev pab rau koj
Cov niam txiv thiab lwm cov neeg uas pab cov me nyuam loj hlob mas ntsib ntau cov kev hloov thiab cov kev khuab nyuab . Muaj cov kev pab daws cov kev khuab nyuab ntawd tam sim no . Cov Community Education kev kawm muaj thawm xyoo raws me nyuam muaj kawm ntawv yog los pab cov niam txiv . Kawm los ntawm cov txawj tshaj thiab tuaj ntsib lwm cov niam txiv es ho nrhiav tau tswv yim tshiab uas yuav pab tau cov tub ntxhais muaj txhua hnub yug kom kawm tau zoo hauv chav kawm , xyaum tau tus chwj pwm zoo nrog tsev neeg thiab phoojywg thiab paub npaj rau yav tom ntej . Rau ib qho kev kawm twg thiab tej uas qhia txog cuv npe no mus saib www . discovercommunityed . com or call 763-506-5766 . Lub Chaw Muaj Kev Pab Niam Txiv ( The Parent Resource Center - PRC ) qiv tau tsev qiv ntawv tej khoom rau cov niam txiv , tsev neeg thiab neeg haujlwm ntawm Anoka-Hennepin Schools lub zej zos . Xaiv tau los ntawm tshaj li 1,000 phau ntawv , CD los sis DVD los pab koj kev kawm txawj ua niam txiv zoo . Cov lus qhia muaj txog rau cov kev npaj ua niam ua txiv , kev kawm tau ntawv zoo , kev loj hlob pib thaum yug txog thaum ua tub ntxhais hluas , cov kev pab tshwj xeeb , kev kaj siab kaj ntsws thiab ntau ntxiv . Cov khoom ces ceev tseg tau online , xa tau li ntaub ntawv dhau mus los peb cov chav haujlwm thiab xa tau rov qab rau lub twg los xij ntawm Anoka-hennepin cov tsev kawm ntawv . Lub PRC nyob rau sab hauv lub qhov rooj 1 ntawm 2727 N . Ferry Street , Anoka , thiab qhib thaum 8 teev sawv ntxov txog 4:30 tsaus ntuj hauv cov hnub kawm ntawv . Hu rau 763-506-1567 los sis nkag xyuas ahschools . us / prc kom paub ntau ntxiv .
Cov qhua
Zoo siab txais tos cov niam txiv , cov neeg saib xyuas thiab cov qhua . Yuav kom muaj kev ruaj ntseeg rau txhua tus , tag nrho cov qhua yuav tsum tau txheeb npe hauv chav fai , tau thiab coj daim ntawv qhia tias yog qhua txhua lub sij hawm . Cov qhua uas tsis coj daim ntawv qhia tias yog qhua yuav raug xa mus rau tom chav fai . Thaum tawm mus , peb thov kom cov qhua , cov niam txiv thiab cov neeg saib xyuas los kos npe tawm hauv chav fai . Mus saib chav kawm ntawv los ntawm cov niam txiv thiab cov neeg saib xyuas yuav ua rau tuaj yeem qhia tau rau lawv txog cov cuab yeej kawm ntawv thiab cov hau kev siv nyob rau hauv lawv tus me nyuam lub tsev kawm ntawv . Yuav tsum tau teem ib lub sij hawm nrog lub tsev kawm ntawv ua ntej seb yuav mus hnub twg thiab yuav mus nyob ntev npaum li cas . Qhov no yuav pab ua kom kev mus xyuas ntawd qhia tau ntau yam rau cov niam txiv thiab cov neeg saib xyuas thiab tsis cuam tshuam txoj kev kawm , cov kev xeem , thiab lwm cov sij hawm thiab cov cwj pwm hauv chav kawm . Saib tsab cai txog cov qhua nyob rau nplooj 57 .
Cov neeg ua hauj lwm pab dawb
Cov neeg ua hauj lwm pab dawb pab tau ntau yam , hauv chav kawm thiab tawm sab nraum chav kawm . Lawv pab cov menyuam kawm ntawv txog kev nyeem ntawv thiab kev ua zauv , ua ib tug neeg txiav txim rau hauv cov koom txoos kawm txog txhua yam hauv lub ntiaj teb ( science fairs ) thiab lwm cov kev sib tw kawm ntawv , saib xyuas cov menyuam thaum mus pom mus kawm lawm sab nraud , ua hauj lwm lis ntaub ntawv , pab hauv lub tsev kawm ntawv thiab roog tsev kawm ntawv cov rooj haujlwm , thiab ntau yam ntxiv . Txhua lub tsev kawm ntawv muaj ib tug neeg saib xyuas txog cov neeg tuaj ua hauj lwm pab dawb uas pab haub yaum cov neeg tuaj ua hauj lwm pab dawb thiab muab lawv coj los tso rau cov hauj lwm uas haum rau lawv .
• Tag nrho cov ua hauj lwm pub dawb yuav tsum tau sau daim ntawv thov ua hauj lwm pub dawb thiab daim foos tso tawm cov keeb kwm kev ua phem nyob rau txhua lub tsev kawm , thiab xyoo kawm ua ntej lawv muaj cai pib lawv txoj hauj lwm pub dawb .
• Thaum ua hauj lwm pab dawb , nco ntsoov tias koj yuav tsum tau kos npe rau hauv hauv chav fai thiab coj ib daim ntawv qhia npe tias yog neeg ua hauj lwm pab dawb txhua lub sij hawm .
Cov neeg uas xav los ua hauj lwm pab dawb hauv Anoka-Hennepin lub tsev kawm ntawv hu tau rau 763-506-1585 los sis rau koj lub tsev kawm ntawv tus neeg saib xyuas cov neeg ua hauj lwm pab dawb . Muaj lus qhia paub ntxiv nyob rau ahschools . us / volunteer .
Cov txheej txheem rau cov kev txhawj xeeb , cov kev tsis txaus siab
Peb vam tias koj tsev neeg qhov experience nrog Anoka-Hennepin Cheeb Tsam Tsev Kawm Ntawv yog ib qho uas zoo thiab pab tau cov kev xav tau los ntawm koj tus ( cov ) me nyuam . Yog tias koj tsis zoo siab , peb caw kom koj tuaj hais koj cov kev txhawj xeeb los sis cov kev tsis txaus siab . Los ntawm cov kev tau ntsib yav dhau los peb tau kawm tias tus neeg uas yuav los hais tau qhov kev txhawj xeeb mas feem ntau yog tus neeg uas nyob ze tshaj qhov teeb meem ntawd . Yog li no peb xav kom koj pib saum toj hauv daim ntawv teev npe hauv qab no . Yog tias koj tsis txaus siab , ces mus rau kauj ruam tom ntej thiab ua li no txuas mus .
2021-22 Tsev Kawm Ntawv Phau Ntawv Qhia ahschools . us / policies 17