Myndir mánaðarins Ágúst 2017 tbl. 283 DVD-VOD-hluti

Heiða Þrátt fyrir allt er lífið gott Bók Johönnu Spyri um Heiðu er þjóðargersemi Svisslendinga og um leið eitt þekktasta bókmenntaverk allra tíma. Sögunni hefur oftar en tölu verður á komið verið gerð skil í bíómyndum, sjónvarpsþáttum og teiknimyndum, en þessi nýjasta mynd um ævintýri þessarar brosmildu, kátu og snjöllu stúlku þykir slá allar aðrar kvikmyndaútgáfur sögunnar út í gæðum. Myndin, sem kemur út á DVD-diski og á VOD-leigunum 31. ágúst, er sannur gleðigjafi sem hentar að sjálfsögðu afbragðs vel fyrir áhorfendur á öllum aldri, enda er boðskapurinn sígildur og góður. Heiða Fjölskyldumynd DVD VOD 111 mín Aðalhlutverk: Anuk Steffen, Bruno Ganz, Anna Schinz, Lilian Naef, Peter Jecklin, Christoph Gaugler, Quirin Agrippi og Isabelle Ottmann Leikstjórn: Alain Gsponer Útgefandi: Myndform 31. ágúst Punktar .................................................... Heiða er talsett á íslensku þannig að yngstu áhorfendurnir fái notið hennar til fulls og eru helstu íslensku leikararnir þau Vaka Vigfúsdóttir, Íris Tanja Flygenring, Þórdís Björk Þorfinnsdóttir, Þór- hallur Sigurðsson (Laddi), Orri Huginn Ágústsson, Sigríður Eyrún Friðriksdóttir, Steinn Ármann Magnússon og Viktor Már Bjarnason, en leikstjóri talsetningar var Tómas Freyr Hjaltason. l l Myndin er vinsælasta og tekjuhæsta svissneska mynd allra tíma enda þykir hún ákaflega góð, vel gerð og leikin, og hlaut þess utan fjölmörg verðlaun sem besta barna- og fjölskyldumynd ársins 2015. Leikstjóri myndarinnar, Alain Gsponer, ásamt þremur af aðalleikur- unum, Anuk Steffen sem leikur Heiðu, Bruno Ganz sem leikur afa hennar og Quirin Agrippi sem leikur Pétur. Við vitum ekki hvað geit- in heitir en hún er í aukahlutverki ásamt mörgum öðrum dýrum. Það er alltaf stutt í brosið þegar Heiða er annars vegar. Myndir mánaðarins 23

Myndir mánaðarins Ágúst 2017 tbl. 283 DVD-VOD-hluti | Page 23