Myndir mánaðarins Ágúst 2017 tbl. 283 DVD-VOD-hluti

Litli prinsinn – Adult Life Skills Litli prinsinn Þú getur breytt öllu Sagan um litla prinsinn eftir franska rithöfundinn, ljóðskáldið og frumkvöðul- inn Antoine de Saint-Exupéry kom út árið 1943 og er talin ein mest þýdda bók allra tíma. Hún kom út hér á landi árið 1961 í þýðingu Þórarins Björnssonar. Hér er á ferðinni vönduð, tölvuteiknuð sería sem byggð er á þessari bók, eða öllu heldur innblásin af henni því í seríunni, sem telur alls 72 þætti, lendir litli prinsinn í mörgum öðrum ævintýrum en þeim sem greint var frá í upprunalegu bókinni. Sagan er um prins einn sem ferðast um himingeim- inn á litlum loftsteini ásamt rósinni sinni og refi nokkrum sem getur talað. Saman lenda þau í hinum margvíslegustu ævintýrum þegar þau heimsækja framandi staði og kynnast þar kostulegum persón- um sem oftar en ekki þurfa á aðstoð að halda. Í þessari fyrstu útgáfu seríunnar er að finna fyrstu 4 þættina og er hver þeirra um 26 mínútur að lengd. VOD 104 mín Teiknimyndir með íslensku tali um litla prinsinn. Útgefandi: Myndform 11. ágúst Barnaefni Adult Life Skills Hvenær verður fólk fullorðið? Anna er tæplega þrítug kona sem hefur kosið að einangra sig frá umheimin- um í garðskúr á lóð móður sinnar og neitar að taka þátt í veröld fullorðinna. Adult Life Skills er mynd sem allir unnendur hnyttinna breskra gamanmynda ættu að sjá. Við kynnumst hér hinni sérstöku Önnu sem eftir persónulegt áfall hreiðraði um sig í garðskúr á lóð móður sinnar, klæðir sig eins og hún sé heimilis- laus umrenningur og vill sem allra minnst af öðrum vita. Þessi hegðun hefur orðið móður hennar til sívaxandi mæðu og þegar vika er í þrítugsafmæli Önnu ákveður hún að setja dóttur sinni úrslitakosti sem eiga eftir að breyta öllu. Punktar ............................................................................................ Adult Life Skills er byggð á stuttmynd- inni Emotional Fusebox sem Rachel Tunnard gerði 2014 og var tilnefnd til bæði BAFTA- og Óháðu bresku kvikmyndaverðlaunanna sem besta stuttmynd ársins. l Adult Life Skills hefur einnig hlotið mörg verðlaun og viðurkenningar, þ. á m. Óháðu bresku kvikmyndaverðlaunin fyrir handritið og fyrir leik Bretts Goldstein í aukahlutverki, en Jodie Whittaker var einnig tilnefnd til Óháðu verðlaunanna fyrir besta leik í aðalhlutverki kvenna. Myndin hlaut enn fremur Noru Ephron-verðlaunin á Tribeca-kvikmyndahátíðinni í fyrra og verðlaun breskra handritshöfunda fyrir bestu frumraun handritshöfundar. l VOD 96 mín Aðalhl.: Jodie Whittaker, Lorraine Ashbourne og Brett Goldstein Leikstj.: Rachel Tunnard Útg.: Myndform Gamanmynd 11. ágúst Jodie Whittaker leikur Önnu í þessari skemmtilegu bresku gamanmynd en Jodie hefur verið mikið í fréttum að undanförnu eftir að hún var ráðin til að leika Doctor Who í samnefndum sjónvarpsþáttum frá BBC. Myndir mánaðarins 15

Myndir mánaðarins Ágúst 2017 tbl. 283 DVD-VOD-hluti | Seite 15