Myndir mánaðarins Ágúst 2017 tbl. 283 DVD-VOD-hluti

Our Last Tango – K3 Our Last Tango Lífið var tangó Heimildarmynd um argentínska parið Maríu Nieves Rego og Juan Carlos Copes sem byrjuðu saman á unglingsárum og urðu síðan eftirlæti argentínsku þjóð- arinnar sem dansarar næstu fimmtíu árin, eða allt þar til sambandi þeirra lauk. Segja má að þessi merka heimildarmynd Germans Kral, sem er framleidd m.a. af Wim Wenders, sé marglaga því um leið og hún fjallar um umtalað ástarsamband tveggja frægustu dansara Argentínu fyrr og síðar og hin bitru sambandsslit þeirra fimmtíu árum eftir að þau hittust fyrst segir hún um leið frá uppgangi tangódansins sem þau María og Juan áttu stóran þátt í að gera eins vinsælan og raun ber vitni, fyrst í heimalandinu og löndunum í kring á sjöunda og áttunda áratug síðustu aldar og síðan í Evrópu og Bandaríkjunum, ekki síst eftir að þau sömdu og frumfluttu dansverkið Tango Argentino sem náði miklum vinsældum beggja vegna Atlantshafsins og var tilnefnt til Tony-verðlauna þegar það var sýnt á Broadway. Allan tímann var persónulegt samband þeirra í kastljósi argentínsku slúðurpress- unnar enda stormasamt í meira lagi ... Punktar ........................................ HHHH 1/2 - New York Times HHHH - Hollywood Reporter HHH - Los Angeles Times Í myndinni koma fram margir af virtustu tangódönsurum Argentínu sem endur- skapa andrúmsloftið í tangóheimi Argen- tínu á uppgangstímum Maríu og Juans og setja bæði ástarsögu þeirra, dans og bitur sambandsslitin í leikrænan búning um leið og María og Juan segja áhorfendum sögu sína, hvort frá sinni hlið. l VOD 85 mín Heimildarmynd eftir German Kral Útgefandi: Myndform Heimildarmynd 4. ágúst K3 Alltaf saman – að eilífu Fjallhressir teiknimyndaþættir um poppsöngkonurnar Kötu, Kylie og Kim sem í tónleikaferðum sínum um heiminn lenda í ótrúlegustu ævintýrum. Krökkum á öllum aldri er hér boðið með í tónleikaferð um víða veröld með þeim Kötu, Kylie og Kim sem saman nefna sig K3. Þær eru æskuvinkonur sem fyrir utan sönginn og að koma fram á tónleikum slá aldrei hendinni á móti öðrum ævintýrum sem þeim býðst að taka þátt í á ferðum sínum, hvort sem þau snúast um að góma fingralanga, berjast við skrímsli eða hjálpa þeim sem minna mega sín í veröldinni. Þetta er safn númer fjögur í seríunni, þættir 25 til 31. Punktar ............................................................................................ Þættirnir um þær Kötu, Kylie og Kim eru framleiddir af sama fyrirtæki og gerði þættina um Mæju býflugu, Vigga víking, Heiðu og Artúr og mínímóana. l VOD 95 mín Teiknimyndir með íslensku tali um K3-sönghópinn Útgefandi: Myndform Barnaefni 4. ágúst Myndir mánaðarins 13

Myndir mánaðarins Ágúst 2017 tbl. 283 DVD-VOD-hluti | Page 13