Myndir mánaðarins Ágúst 2017 tbl. 283 DVD-VOD-hluti

Undirheimar Hefnd er eina réttlætið Zaid er virtur hjartaskurðlæknir sem á von á sínu fyrsta barni með eiginkonunni Stine. Veröld þeirra fer hins vegar á hvolf þegar bróðir Zaids, Yasin, er myrtur og lögreglan getur ekkert aðhafst vegna skorts á sönnunargögnum þrátt fyrir að vita hverjir voru að verki. Við það getur Zaid ekki sætt sig og ákveður að ganga sjálfur á milli bols og höfuðs á hinum seku. Danska myndin Undirheimar eftir Fenar Ahmad hefur hlotið afar góða dóma gagnrýnenda og þykir einhver besta spennu- og hasarmynd sem gerð hefur verið á Norðurlöndum á síðari árum. Í aðalhlutverki er íransk-ættaði Daninn Dar Salim sem fyrir utan leik í myndum eins og The Devil’s Double og Exodus: Gods and Kings lék m.a. Qotho í Games of Thrones-seríunni, Amir Dwian í Borgen og Peter í hinum geysivinsælu sjónvarpsþáttum Bron/Broen. Læknirinn Zaid ákveður að taka lögin í sínar hendur eftir að honum verður ljóst að lögreglan getur ekki ákært morðingja bróður hans. Undirheimar Spenna/Hasar 112 VOD Punktar .................................................... HHHHH - Berlingske HHHHH - BT HHHHH - Politiken HHHHH - Ekstra Bladet HHHHH - Metroxpress mín Aðalhlutverk: Dar Salim, Stine Fischer Christensen, Ali Sivandi, Jakob Ulrik Lohmann, Roland Møller, Dulfi Al-Jabouri og B. Branco Leikstjórn: Fenar Ahmad Útgefandi: Myndform 4. ágúst Dar Salim, sem leikur aðalhlutverk myndarinnar, undirbjó sig vel fyrir gerð hennar og æfði m.a. sparkbox undir stjórn Lars Krusaa, landsliðs- þjálfara danska sparkboxlandsliðsins. Dar kynnti sér einnig skurðlækn- ingar og fékk m.a. að fylgjast með hjartaskurðlæknum að störfum. l Leikstjóri og handritshöfundur myndarinnar, Fenar Ahmad, hefur sagt að sagan í myndinni sé innblásin af sinni eigin reynslu þegar yngri bróðir hans lenti í miklum vandræðum gagnvart glæpalýð. l Einn af framleiðendum myndarinnar er Þórir Snær Sigurjónsson sem framleiddi m.a. myndirnar Eldfjall, Svartur á leik, París norðursins, Z for Zachariah, Hrútar, Only God Forgives, The Neon Demon, Ég man þig og Undir trénu sem er væntanleg í bíó í septemberlok. l Dar Salim fer með hlutverk Zaids sem sumir hafa sagt vera mitt á milli Pauls Kersey sem Charles Bronson lék í Death Wish og Johns Wick. Veistu svarið? Danska leikkonan Stine Fischer Christensen leikur eiginkonu Zaids en Stine vakti fyrst verulega athygli í Óskarstilnefndu myndinni Efter brylluppet árið 2006 og hlaut fyrir leik sinn í henni bæði Robert- og Bodil-verðlaunin. Hver leikstýrði henni þar? Myndin gerist að miklu leyti á strætum Kaupmannahafnar. Susanne Bier. 12 Myndir mánaðarins

Myndir mánaðarins Ágúst 2017 tbl. 283 DVD-VOD-hluti | Page 12