Myndir mánaðarins September 2018 tbl. 296 BR-DVD-VOD-Tölvuleikir

A Horse Story – Nils Holgersson Jafnvel hestar eiga sér drauma Monica Radcliffe fær einn af draumum sínum uppfylltan þegar hún eignast folald sem hún ákveður að nefna Champion. Hún verður svo meira en lítið hissa þegar í ljós kemur að Champion talar og skilur mannamál og hefur sínar eigin hugmyndir um hvað hann vill verða þegar hann er orðinn stór. Fjölskyldumyndin A Horse Story er eftir John Rogers sem bæði leikstýrði og skrif- aði handritið og leikur einnig eitt aukahlutverkið í myndinni. Þótt það sé bara á vitorði Monicu að Champion geti talað þá vekur hann fljótlega athygli fyrir aðra hæfileika sína og kemur víða við til að finna þeim hæfileikum farveg, eins og t.d. að leika í bíómynd og prófa að vera sýningarhestur á hlýðni- sýningu. En Champion á eins og aðrir á hans aldri ýmislegt ólært áður en hann getur ákveðið endanlega í samvinnu við Monicu hvert lífsstarf hans verður ... VOD 100 mín Aðalhl.: Jackie R. Jacobson, Aaron Johnson Araza og Jesse Bell Leikstjórn: John Rogers Útgefandi: Myndform Fjölskyldumynd 14. september Jackie R. Jacobson leikur hina ungu Monicu sem eignast hest sem talar mannamál! Komdu með í ævintýraferð Nils Holgersson er latur strákur og hrekkjóttur og vondur við dýrin á bænum. Þegar dvergálfur leggur á hann álög svo hann breytist í lítinn álf sjálfur þarf hann að endurmeta viðhorf sín og læra að breyta hegðun sinni. Þessi útgáfa inniheldur sögur af ævintýrum Nils Holgerssonar þar sem hann ferðast heilt sumar á baki gæsa og kynnist mörgum nýjum svæðum og dýrunum sem þar búa. Sum eru góð en sum geta verið hættuleg og það á eftir að reyna verulega á Nils í samskiptum við þau. Hér er um að ræða fimmtu seríu útgáfunnar sem inniheldur sjö sjálfstæða og fjöruga þætti. Punktar ............................................................................................ Sænska skáldkonan Selma Ottilia Lovisa Lagerlöf (1858–1940) gaf bókina um Nils Holgersson (Nils Holgerssons underbara resa genom Sverige) út árið 1904, en hún var upphaflega skrifuð að beiðni sænska kennarasambandsins til að nota við landafræðikennslu barna. Bókin varð þó fljótt vinsæl á meðal almennings og var á næstu árum og áratugum þýdd á fjölda tungumála, þar á meðal á íslensku árið 1946 af Marinó L. Stefánssyni og hét þá Nilli Hólmgeirsson og ævintýraför hans um Svíþjóð. Sagan var svo lesin í útvarpinu af Huldu Runólfsdóttur og naut sá lestur ómældra vinsælda landsman na á sínum tíma. Þess má geta að Selma Lagerlöf varð árið 1909 fyrsti Svíinn og um leið fyrsta konan til að hljóta Nóbelsverðlaunin í bókmenntum. l VOD 90 mín Teiknimyndir með íslensku tali um Nils Holgersson og fjölbreytt ævintýri hans Útgefandi: Myndform Barnaefni 16 Myndir mánaðarins 14. september

Myndir mánaðarins September 2018 tbl. 296 BR-DVD-VOD-Tölvuleikir | Page 16