Myndir mánaðarins September 2017 tbl. 284 DVD-VOD-BR-Tölvuleikir

How to Be a Latin Lover Hvað gera menn ekki í neyð? Eftir að hafa lifað í sannkölluðum lúxus í 25 ár er Maximo sparkað af auðugri eiginkonu sinni sem ákveður að taka sam- an við yngri mann. Slyppur og snauður er Maximo því allt í einu á götunni og neyðist til að leita ásjár systur sinnar sem verður þvert á vilja sinn að skjóta yfir hann skjólshúsi þar til hann getur staðið á eigin fótum á ný. En hvenær gerist það? How to Be a Latin Lover er eldhress mynd og mjög fyndin, en hún skartar í aðalhlutverki Eugenio Derbez sem notið hefur mikilla vin sælda í Mexíkó og í Bandaríkjunum á undanförnum árum og er t.d. þegar kominn með sína eigin stjörnu í Walk of Fame-gang- stéttina á Hollywood Boulevard-breiðstrætinu, en slíka stjörnu fá menn ekki án afreka á listasviðinu. Þeim sem vilja kynna sér mynd- ina nánar er bent á að skoða sprenghlægilega stikluna sem gefur góða innsýn í grínið sem væntanlegir áhorfendur eiga von á. Kallgreyið hann Maximo veit ekki hvað hann á að gera þegar hann kemst að því að eiginkona hans hefur haldið fram hjá honum með yngri manni og sparkar honum í kjölfarið eftir 25 ára hjónaband. How to Be a Latin Lover Gamanmynd DVD 115 VOD mín Aðalhlutverk: Eugenio Derbez, Salma Hayek, Rob Lowe, Kristen Bell, Michael Cera, Rob Corddry, Rob Riggle og Raquel Welch Leikstjórn: Ken Marino Útgefandi: Myndform 28. september Punktar .................................................... HHH 1/2 - Hollywood Reporter HHH - New York Times HHH - Variety HHH - Los Angeles Times HHH - Wrap Eugenio Derbez hefur um árabil verið einn vinsælasti gamanleikari Mexíkó og jafnframt einn sá áhrifamesti í mexíkóskum kvikmynda- iðnaði, en hann hefur fyrir utan leikinn framleitt fjölda vinsælla mynda, skrifað þær og leikstýrt. Síðasta mynd hans, No se aceptan devoluciones, sló t.d. öll aðsóknarmet í Mexíkó og varð einnig tekjuhæsta mexíkóska mynd allra tíma utan heimalandsins. l Sá sem leikur Maximo ungan (22 ára) er í raun sonur Eugenios Der- bez, Vadhir Derbez, en hann þykir frábær leikari eins og faðirinn. l Salma Hayek leikur systur Maximos sem neyðist til að skjóta yfir hann skjólshúsi þvert á vilja sinn enda gefur hún lítið fyrir vandræði hans. Veistu svarið? Salma Hayek leikur systur Maximos í How to Be a Latin Lover en hún er einnig frá Mexíkó og sló fyrst í gegn í Bandaríkjunum árið 1995 þegar hún lék aðalhlutverkið á móti Antonio Banderas í mynd eftir Robert Rodriguez. Hvaða mynd? Eftir að hafa jafnað sig á skilnaðinum fær Maximo augastað á hinni auðugu Celestu sem leikin er af Raquel Welsh. Desperado. 26 Myndir mánaðarins

Myndir mánaðarins September 2017 tbl. 284 DVD-VOD-BR-Tölvuleikir | Page 26