Myndir mánaðarins September 2017 tbl. 284 bíóhluti

Once Upon a Time in Venice Voff, voff. Þegar hundi Steves Ford er stolið ákveður hann að endurheimta hann hvað sem tautar og raular og í gang fer viðburðarík og fyndin atburðarás sem gæti allt eins kostað hann og bestu vini hans lífið. En hvað gerir maður ekki fyrir hundinn sinn? Once Upon a Time in Venice er laufléttur grínhasar eftir Marc Cullen sem skrifaði einnig handritið ásamt bróður sínum Robb, en þeir bræður hafa hingað til fyrst og fremst verið þekktir fyrir að hafa skapað og skrifað fjölmarga vinsæla sjónvarpsþætti í gegnum árin eins og t.d. Lucky, Gary the Rat, Heist, Back in the Game og núna síðast Mr. Robinson. Í myndinni er það grínið sem er í fyrirrúmi en eftir að Steve kemst að því að eina leiðin fyrir hann til að fá hundinn aftur er að ræna kókaínbirgðum frá stórhættulegum glæpamönnum fær hann tvo bestu vini sína, þá Dave og John, í lið með sér og lætur svo óhræddur til skarar skríða ... Punktar ............................................................................................ l Myndin er öll tekin upp þar sem hún gerist, þ.e.a.s. á og í kringum Venice-ströndina í Los Angeles sem liggur á milli Santa Monica og aðalflugvallar borgarinnar. Once Upon a Time in Venice Grín / Hasar 90 mín Aðalhlutverk: Bruce Willis, John Goodman, Jason Momoa, Famke Janssen og Thomas Middleditch Leikstjórn: Mark Cullen Bíó: Sambíóin Álfabakka, Kringlunni, Akureyri og Keflavík Frumsýnd 1. september John Goodman og Bruce Willis í hlutverkum sínum í Once Upon a Time in Venice. Hver hlýtur tilnefningu til Óskarsverðlauna? 18 Eins og lesendur eru áreiðanlega farnir að kannast við þá vitnum við stundum í vefinn awardcircuit.com þar sem eigandinn og ritstjórinn Clayton Davis heldur úti stöðugt uppfærðum spádómum um hvaða myndir, leikstjórar, leik- arar, handritshöfundar o.s.frv. muni hljóta tilnefningu til Ósk- arsverðlauna á næsta ári. Þetta er auðvitað allt til gamans gert enda á eftir að frumsýna margar myndir á þeim fjórum mánuðum sem eftir eru af árinu en spá Claytons gefur samt ákveðna vísbendingu um orðróminn í Hollywood hverju sin ni þar sem lífið snýst um kvikmyndir. Í þetta sinn ætlum við að renna yfir stöðuna í spánni um hvaða fimm karlar og fimm konur muni hljóta tilnefningu fyrir besta leik í aðalhlutverki. Karlar Konur 1. Gary Oldman fyrir hlutverk sitt sem Winston Churchill í mynd- inni Darkest Hour eftir Joe Wright. 2. Daniel Day-Lewis fyrir hlutverk sitt sem klæðskeri í ónefndri mynd eftir Paul Thomas Anderson. 3. Hugh Jackman fyrir hlutverk sitt sem P.T. Barnum í myndinni The Greatest Showman eftir Michael Gracey. 4. Tom Hanks fyrir hlutverk sitt sem Ben Bradlee í myndinni The Post eftir Steven Spielberg. 5. Matt Damon fyrir hlutverk sitt sem Paul Safranek í myndinni Downsizing eftir Alexander Payne. 1. Annette Bening fyrir hlutverk sitt sem Gloria Grahame í mynd- inni Film Stars Don’t Die in Liverpool eftir Paul McGuigan. 2. Jessica Chastain fyrir hlutverk sitt sem Molly Bloom í myndinni Molly’s Game eftir Aaron Sorkin. 3. Meryl Streep fyrir hlutverk sitt sem Kay Graham í myndinni The Post eftir Steven Spielberg. 4. Emma Stone fyrir hlutverk sitt sem Billie Jean King í myndinni Battle of the Sexes eftir Jonathan Dayton og Valerie Faris. 5. Kate Winslet fyrir hlutverk sitt sem Ginny í myndinni Wonder Wheel eftir Woody Allen. Myndir mánaðarins

Myndir mánaðarins September 2017 tbl. 284 bíóhluti | Page 18