Valerian and the City of a Thousand Planets
Aðeins tíu tímar til stefnu
Eftir að hafa lifað saman í sátt og samlyndi um margra alda skeið ógna nú ókunn öfl lífi íbúa í borginni Alpha , borg hinna þúsund pláneta , og þau Valerian og Laureline hafa aðeins tíu klukkustundir til að bjarga henni frá endanlegri eyðingu .
Valerian and the City of a Thousand Planets er nýjasta mynd Lucs Besson og um leið langdýrasta evrópska mynd allra tíma en hún kostaði um 200 milljónir evra í framleiðslu . Luc skrifaði handrit myndarinnar sjálfur og sækir efniviðinn í teiknibókaseríuna Valérian et Laureline eftir Pierre Christin með teikningum eftir Jean-Claude Mézières , en fyrsta sagan í seríunni kom út árið 1967 . Þær voru í miklu uppáhaldi hjá Luc þegar hann var ungur og hefur hann sagt að allt frá því hann gerðist kvikmyndagerðarmaður hafi draumaverkefni hans verið að gera mynd eftir þessum sögum . Sá draumur hefur nú ræst .
Valerian and the City of a Thousand Planets Ævintýri
DVD
VOD
Aðalhlutverk : Dane DeHaan , Cara Delevingne , Clive Owen , Rihanna , John Goodman , Ethan Hawke , Rutger Hauer , Mathieu Kassovitz og Herbie Hancock Leikstjórn : Luc Besson Útgefandi : Myndform
137 mín
23 . nóvember
Það eru þau Dane DeHaan og Cara Delevingne sem fara með hlutverk öryggisvarðanna og bjargvættanna Valerians og Laureline .
Sagan gerist á 29 . öld þegar viti bornar verur alheimsins geta auðveldlega ferðast í gegnum tíma og rúm . Vinsælasti áfangastaðurinn er borgin Alpha sem nefnd er borg hinna þúsund pláneta vegna þess að þar eru saman komnar verur frá öllum byggðum plánetum vetrarbrautanna , þar á meðal maðurinn frá plánetunni Jörð . Þessum verum hefur að mestu tekist að búa saman í sátt og samlyndi í nokkrar aldir og því bregður öllum í brún þegar óþekkt öfl gera árás á Alpha . Strax verður ljóst að árásin ber með sér gereyðingarógn og við henni verða þau Valerian og Laureline að bregðast í snatri , en þau eru nokkurs konar lögreglumenn 29 . aldarinnar . Tekst þeim að finna hver það er sem stendur að baki árásinni og stöðva viðkomandi áður en það verður orðið of seint ?
Punktar .................................................... HHHHH - RogerEbert . com HHHH - The Telegraph HHHH - Village Voice HHH1 / 2 - Variety HHH1 / 2 - Wrap l Valerian and the City of a Thousand Planets er mjög viðamikil og í henni koma fram um 200 tegundir af mismunandi útlítandi verum .
l Tónlistin í myndinni inniheldur m . a . nokkra þekkta poppsmelli .
Rihanna leikur aukahlutverk í myndinni ásamt þeim Clive Owen , John Goodman , Ethan Hawke , Rutger Hauer og Mathieu Kassovitz .
Veistu svarið ? Nú eru liðin tuttugu ár síðan Luc Besson sendi frá sér sína fyrstu mynd á ensku en það var vísindaskáldsagan The Fifth Element sem sagði frá ævintýrum leigubílstjóra nokkurs , Korbens Dallas , í framtíðinni . Hver fór með hlutverk hans ?
Skyndileg og óvænt árás á Alpha er bara byrjunin á því sem koma skal .
Bruce Willis .
Myndir mánaðarins 27