Myndir mánaðarins Nóvember 2017 tbl. 286 DVD-VOD-BR-Tölvuleikir

Atomic Blonde Tíminn tifar Þegar breskur njósnari er myrtur í Berlín ákveður leyniþjónust- an MI6 að senda á vettvang sína bestu konu, hina eitilhörðu Lorraine sem er langt frá því að vera lamb að leika sér við þótt hún viti svo sem eins og flestir aðrir að starfið muni eflaust verða henni að aldurtila að lokum. Það gerist samt ekki í dag. Spennu-, hasar- og njósnamyndin Atomic Blonde er hörkugóð, en hún er byggð á bókinni The Coldest City eftir Antony Johnston og Sam Hart og inniheldur fyrir utan allt annað magnaða fléttu. Sagan, sem gerist árið 1989, rétt fyrir fall Berlínarmúrsins, er um MI6-njósnarann Lorraine Broughton (Charlize Theron), sem lýst hefur verið sem nokkurs konar blöndu af James Bond, Jason Bourne og John Wick – enda býr hún yfir hæfileikum þeirra allra. Þegar einn af bestu njósnurum leyniþjónustunnar er myrtur í Berlín er Lorraine send þangað til að finna þá seku og lendir fljótlega ásamt samstarfsmanni sínum, David Percival (James McAvoy), í svakalegum hasar þegar þau uppgötva að morðið er bara yfirborðið á miklu stærra máli sem ógnar ekki bara lífi þeirra sjálfra heldur og lífi allra njósnara og annarra sem starfa hjá leyni- þjónustum vestrænna ríkja. En auðvitað er ekki allt sem sýnist! Atomic Blonde Hasar / Spenna DVD 115 VOD mín Aðalhlutverk: Charlize Theron, James McAvoy, John Goodman, Toby Jones, Sofia Boutella, Eddie Marsan og Jóhannes Haukur Jóhannesson Leikstjórn: David Leitch Útgefandi: Myndform 16. nóvember Charlize Theron og James McAvoy þykja frábær í hlutverkum sínum sem njósnararnir og samstarfsmennirnir Lorraine og David sem lenda í hörðustu baráttu lífs síns í Atomic Blonde. Punktar .................................................... HHHH 1/2 - Chicago Sun-Times HHHHH - Total Film HHHH - CineVue HHHH - Time HHH 1/2 - New York Post HHH 1/2 - Rolling Stone HHH 1/2 - Entertainment Weekly Atomic Blonde er leikstýrt af David Leitch og telst hans fyrsta mynd þótt hann eigi að baki tuttugu ára kvikmyndaferil, fyrst sem áhættuleikari og síðan sem aðstoðarleikstjóri mynda eins og The Mechanic, Escape Plan, Jurassic World, John Wick og Captain America: Civil War svo einhverjar séu nefndar. Þess utan framleiddi hann báðar John Wick-myndirnar og er nú að leikstýra Deadpool 2. l Okkar maður, Jóhannes Haukur Jóhannesson, leikur einn af þeim sem koma við sögu í myndinni, Yuri Bakhtin. Veistu svarið? Charlize Theron á fjölbreyttan 22 ára leikferil að baki en segja má að hún hafi vakið verðskuldaða athygli í sinni fyrstu mynd sem var frumsýnd 1996, er eftir leikstjórann John Herzfeld og gerist á 48 tímum í Los Angeles. Hvaða mynd var þetta? 2 Days in the Valley. Myndir mánaðarins 23

Myndir mánaðarins Nóvember 2017 tbl. 286 DVD-VOD-BR-Tölvuleikir | Page 23