Myndir mánaðarins MM Nóvember 2019 VOD og tölvuleikir

Once Upon a Time in ... Hollywood Einu sinni var ... Segja má að þessi níunda mynd Quentins Tarantino sé heil kvikmyndahátíð út af fyrir sig og um leið einstakur óður til kvikmyndalistarinnar, kryddaður húmor og miklu innsæi. Segja má að Quentin snúi hér aftur til frásögustílsins í Pulp Fiction þar sem hann sagði nokkrar sögur af ólíkum persónum og tengdi þær síðan saman á snilldarlegan hátt. Að öðru leyti er lang- skemmtilegast fyrir áhorfendur að vita sem minnst um hvað gerist í myndinni enda snýst upplifunin að stórum hluta um að uppgötva söguna og hefur Quentin sjálfur beðið áhorfendur að segja þeim sem eiga eftir að sjá myndina ekki neitt um söguþráðinn. Við virðum það að sjálfsögðu eins og vonandi allir aðrir sem sjá myndina. Brad Pitt og Leonardo DiCaprio leika samstarfsfélagana Cliff Booth og Rick Dalton og Margot Robbie leikur leikkonuna og fyrirsætuna Sharon Tate sem var myrt af Manson-fjölskyldunni 9. ágúst árið 1969, en Sharon var jafnframt eiginkona leikstjórans Romans Polanski. Once Upon a Time in ... Hollywood Tarantino 161 VOD mín Aðalhlutverk: Leonardo DiCaprio, Brad Pitt, Margot Robbie, Emile Hirsch, Margaret Qualley, Timothy Olyphant, Austin Butler, Dakota Fanning og Bruce Dern Leikstjórn: Quentin Tarantino Útgefandi: Sena 14. nóvember Punktar .................................................... HHHHH - Slant HHHHH - Chic. Sun-Times HHHHH - Time Out HHHHH - CineVue HHHHH - R.Ebert HHHHH - The Telegraph HHHHH - The Guardian HHHHH - Time HHHH 1/2 - E. Weekly HHHH 1/2 - N.Y. Times HHHH 1/2 - R. Stone HHHH 1/2 - Verge HHHH 1/2 - L.A. Times HHHH 1/2 - Screen HHHH 1/2 - Vulture Fyrir utan þau Brad Pitt, Leonardo DiCaprio og Margot Robbie leika fjölmargir þekktir leikarar stór sem smá aukahlutverk í Once Upon a Time in ... Hollywood og má þar nefna Al Pacino, Dakotu Fanning, Timothy Olyphant, Kurt Russell, Harley Quinn Smith, Emile Hirsch, Michael Madsen, Bruce Dern, Rumer Willis, Clifton Collins Jr., Lenu Dunham, Brendu Vaccaro, Rebeccu Gayheart og Luke Perry, en myndin er jafnframt síðasta mynd þess síðastnefnda sem lést eins og kunnugt er úr heilablóðfalli í mars síðastliðnum. l Leikkonan María Birta Bjarnadóttir leikur smáhlutverk í Once Upon a Time in ... Hollywood, þ.e. eina af nokkrum Playboy-kanínum. l Það tók Quentin Tarantino fimm ár að skrifa handrit myndarinnar sem að mörgu leyti byggist á æskuminningum hans sjálfs en sagan inniheldur fjölmargar tilvísanir í raunverulega atburði ársins 1969 auk tilvísana í kvikmyndir og tónlist þess tíma. Þess utan eru auð- vitað margar persónur myndarinnar raunverulegt fólk sem var áberandi í Hollywood og á Los Angeles-svæðinu á þessum tíma. l Í myndinni er fjöldi þekktra leikara í aukahlutverkum, þ. á m. Al Pacino sem leikur kvikmyndaframleiðandann Marvin Schwarzs. Veistu svarið? Quentin Tarantino hefur tvisvar hlotið Óskarinn af fimm tilnefningum, ýmist fyrir leikstjórn eða handrit. Hann hlaut Óskarinn 1995 fyrir handrit sitt að Pulp Fiction en fyrir hvað fékk hann Óskar númer tvö? Fyrir handritið að Django Unchained. 18 Myndir mánaðarins Þetta er fyrsta myndin sem Leonardo DiCaprio leikur í síðan hann hlaut Óskarsverðlaunin fyrir hlutverk sitt í The Revenant. Hermt er að hann hafi farið í nokkurra mánaða stranga líkamsþjálfun til að verka trúverðugari í hlutverki Ricks Dalton sem er hasarmyndaleikari. l

Myndir mánaðarins MM Nóvember 2019 VOD og tölvuleikir | Page 18