Myndir mánaðarins MM Febrúar 2019 DVD VOD og tölvuleikir

Grinch Sígilt ævintýri í nýjum búningi Hin sígilda saga dr. Seuss um ótuktina Trölla sem ákvað að stela jólunum frá íbúum Hver-bæjar kemur út á DVD 28. febrúar í ferskum og mjög fyndnum búningi teiknimyndafyrirtækisins Illumination sem gerði m.a. Aulinn ég-myndirnar, myndina vin- sælu um litlu gulu Skósveinana, Syngdu og Leynilíf gæludýra. Munaðarleysinginn Trölli býr ásamt hundinum sínum Max í helli á toppi fjalls fyrir ofan Hver-bæ sem eitt sinn var heimabær hans og lætur það fara alveg sérstaklega í taugarnar á sér þegar íbúar bæjarins skreyta fyrir jólin, kaupa gjafir, syngja og gleðjast. Hann ákveður því að taka til sinna ráða, læðast inn í bæinn að næturlagi og hreinlega stela öllum gjöfunum og skreytingunum þannig að íbúarnir nái ekki að halda upp á jólin og verði jafnfúllyndir og hann er sjálfur. Það sem hann gleymir að reikna með er að þótt hann geti stolið því efnislega sem tengist jólunum getur hvorki hann né nokkur annar stolið jólagleðinni sjálfri. Og hvað gerir Trölli þá? Myndinni fylgja þrjár skemmtilegar stuttmyndir frá Illumination og fjalla tvær þeirra um ævintýri litlu gulu skósveinanna og ein um það þegar hundur Trölla, hinn trygglyndi Max, þarf að fá einn af íbúum Hver-bæjar til að færa húsbónda hans forláta te ... Grinch Teiknimynd DVD 90 mín Íslensk talsetning: Eyþór Ingi Gunnlaugsson, Selma Rún Rúnars- dóttir, Jón Jónsson, Unnur Ösp Stefánsdóttir, Ívan Rökkvi Elíasson, Ævar Þór Benediktsson, Ragnheiður Steindórsdóttir, Þorsteinn Ari Þorsteinsson, Hálfdán Helgi Matthíasson og Rakel María Gísladóttir Leikstjórn: Selma Lóa Björnsdóttir Útgefandi: Myndform 28. febrúar 30 Myndir mánaðarins

Myndir mánaðarins MM Febrúar 2019 DVD VOD og tölvuleikir | Page 30