Myndir mánaðarins MM Febrúar 2019 DVD VOD og tölvuleikir

Ronja ræningjadóttir – Overlord Ævintýrið um Ronju í nýjum búningi Þessi 26 þátta teiknimyndasería, sem byggð er á hinni víðfrægu og ástsælu bók Astridar Lindgren, hefur verið sýnd á RÚV og er eftir japanska listamanninn Gorô Miyazaki, son Hayaos Miyazaki sem gerði m.a. Spirited Away og Princess Mononoke. Ævintýrið um Ronju ræningjadóttur kom út árið 1981 og skipaði sér þegar í flokk með bestu bókum Astridar Lindgren, þ. á m. bókunum um Línu langsokk og Emil í Kattholti. Sagan er um hana Ronju sem elst upp í ræningjakastala á miðöldum í Svíþjóð. Hún verður fljótlega mjög forvitin um umhverfi sitt og lendir í ýmsum ævintýrum í skóglendinu um- hverfis kastalann þar sem alls kyns kynjaverur hafast við. Þegar hún síðan kynnist jafnaldra sínum, strák sem reynist sonur svarinna andstæðinga foreldra hennar, breytist allt ... Þessi útgáfa inniheldur þætti 21 til 23 sem hver fyrir sig er 25 mínútur að lengd. Þess má geta að þættirnir hlutu alþjóðlegu Emmy-verðlaunin 2016 í flokki teiknaðs barnaefnis. VOD 100 mín Teiknimyndir með íslensku tali um ævintýri Ronju ræningjadóttur Útgefandi: Myndform 22. febrúar Barnaefni Úr öskunni í eldinn Overlord hefst á D-deginum svokallaða, 6. júní 1944, þegar Bandamenn gerðu innrás í Normandy. Dagskipun sveitar fallhlífarhermanna, sem er ætlað að kasta sér út handan víglínunnar og gera einn af fjarskiptaturnum Þjóðverja óvirkan, fer fyrir lítið þegar flugvél þeirra er sprengd í tætlur. Flestir hermannanna farast en þeirra sem lifa af bíður enn erfiðari raun. Overlord er í leikstjórn Julius Avery sem í þetta sinn vinnur með framleiðandanum J.J. Abrams og færir okkur verulega hrollvekjuskotna mynd sem fengið hefur mjög góða dóma þeirra sem kunna að meta alvöru trylla. Eftir magnað upphafs- atriði erum við stödd í litlum bæ handan víglínu Þjóðverja þar sem allt er krökkt af illskeyttum nasistum. Útlitið er því ekki gott fyrir okkar menn og ekki skánar það þegar þeir uppgötva að bærinn er vettvangur vægast sagt vafasamra tilrauna ... Punktar .................................................................. HHHH 1/2 - Wrap HHHH 1/2 - IGN HHHH - Verge HHHH - IndieWire HHHH - E.W. HHHH - Time Out HHH 1/2 - L.A. Times HHH 1/2 - Screen Þótt Overlord sé fyrst og fremst afar skemmtilega gerð blanda af stríðs- mynd, spennumynd og hrollvekju er einnig stutt í húmorinn í mörgum atriðum, oft nokkuð svartan. l Sagan í myndinni er eftir þá J.J. Abrams og Billy Ray sem hlaut m.a. tilnefningu til Óskarsverðlauna fyrir handrit sitt að myndinni Captain Phillips árið 2014. l VOD 110 mín Aðalhl.: Wyatt Russell, Mathilde Ollivier og Jovan Adepo Leikstjórn: Julius Avery Útgefandi: Síminn og Vodafone Tryllir 27. febrúar Overlord er önnur mynd leikstjórans Juliusar Avery sem sendi frá sér hina þrælgóðu Son of a Gun árið 2014. l Mathilde Ollivier og Jovan Adepo í einu af háspennuatriðum myndarinnar. Myndir mánaðarins 29

Myndir mánaðarins MM Febrúar 2019 DVD VOD og tölvuleikir | Page 29