Myndir mánaðarins MM Febrúar 2019 DVD VOD og tölvuleikir | Page 28

I Still See You – Time Freak
Rödd að handan
Dag einn springur rannsóknarstofa í Chicago í loft upp með þeim afleið-
ingum að milljónir íbúa hennar láta lífið. Það furðulega er að hinir látnu
ganga allir aftur í óþekktu efnislegu formi sem þeir sem eftir lifa geta séð
en ekki snert því um leið og það er reynt leysast „draugarnir“ upp í reyk.
Þeir sem hafa gaman af dularfullum, hrollvekjuskotnum vísindaskáldsögum og
ráðgátum ættu að kíkja á þessa mynd sem byggð er á bókinni Break My Heart 1000
Times eftir Daniel Waters. Sagan gerist tíu árum eftir sprenginguna í rannsóknar-
stöðinni sem skapaði hinn furðulega draugagang og við kynnumst menntaskóla-
nemanum Ronnie sem eins og aðrir er fyrir löngu orðin vön draugunum og kippir
sér t.d. ekki lengur upp við að sjá dána æskuvini eða draug föður síns við morgun-
verðarborðið. Dag einn fær hún þó ástæðu til að óttast um sinn hag þegar einn
draugurinn virðist gera tilraun til að ná sambandi við hana. Vandamálið er að
enginn trúir henni þar sem það hefur aldrei gerst að einhver af draugunum hafi
reynt að ná sambandi við þá sem lifa. En Ronnie er alveg viss um hvað hún sá ...
VOD
98
mín
A.hl.: Bella Thorne, Richard Harmon, Dermot Mulroney og
Shaun Benson Leikstj.: Scott Speer Útgef.: Myndform
22. febrúar
Tryllir
Bella Thorne leikur Ronnie sem lendir í óvæntu og hættulegu sambandi við draug.
Reyndu aftur
Menntaskólaneminn Stillman verður fyrir miklum vonbrigðum þegar kær-
asta hans, Debbie, segir honum upp. Staðráðinn í að vinna hana til baka
ákveður Stillman að smíða sér tímavél til að fara til baka, komast að því
hvað fór úrskeiðis í sambandinu og laga það. Það er bara eitt vandamál.
Time Freak er létt og fjörug rómantísk gamanmynd sem byggir á því sígilda þema
tímaferðalagsmynda að um leið og þú ferð til baka og breytir einu þá breytist allt.
Á þessu áttar Stillman sig ekki til að byrja með og þegar við bætist að Evan félagi
hans kemur með í tímaferðalagið vandast málin enn frekar því Evan á það til, ekki
síður en Stillman, að gera einhverja vitleysu sem nauðsynlegt er að leiðrétta. Þann-
ig tekst þeim félögum að skapa sífellt flóknari vandamál og erfiðari aðstæður sem
versna til muna þegar tímavélin brotnar í klaufalegu slysi. Hvað gera bændur þá?
VOD
104
mín
A.hl.: Asa Butterfield, Sophie Turner, Skyler Gisondo og Will
Peltz Leikstjórn: Andrew Bowler Útgef.: Myndform
Rómantísk kómedía
28
Myndir mánaðarins
22. febrúar
Asa Butterfield leikur hinn ástfangna og úrræðagóða Stillman sem eftir að hafa verið
sagt upp af kærustunni ákveður að smíða sér tímavél og laga það sem fór úrskeiðs.