Myndir mánaðarins MM Febrúar 2019 DVD VOD og tölvuleikir

A Private War – White Boy Rick Allt fyrir sannleikann Mögnuð saga verðlaunablaðakonunnar Marie Colvin sem frá árinu 1985 og allt til dauðadags starfaði fyrir breska dagblaðið The Sunday Times, lengst af við öflun frétta og frásagna frá stríðshrjáðum héruðum og löndum. Saga Marie Colvin er jafnframt saga af óbugandi viljaþreki og hugrekki þessarar stórmerku konu sem fann köllun sína í að koma fréttum frá hættulegustu stöðum Evrópu, Asíu og Norður-Afríku á framfæri við heiminn og lagði sjálfa sig um leið í hina mestu lífshættu. Hennar eigin orð um það hvers vegna hún var tilbúin til að leggja líf sitt í hættu voru að öðruvísi gæti hún ekki gefið þeim raddlausu rödd og þeim ósýnilegu sem þjáðust vegna aðgerða stríðsherranna tilvist frammi fyrir alþjóðasamfélaginu. Myndin þykir lýsa því afar vel við hvaða aðstæður Marie starf- aði alla tíð og gefur um leið sannferðuga mynd af því úr hverju hún var gerð ... Punktar .................................................................. HHHH 1/2 - N.Y. Times HHHH 1/2 - Variety HHHH 1/2 - RogerEbert.com HHHH 1/2 - Wash. Post HHHH - Wrap HHHH - E.W. HHHH - L.A. Times A Private War var tilnefnd til tvennra Golden Globe-verðlauna, fyrir leik Rosamund Pike í aðalhlutverkinu og fyrir lagið Requiem for A Private War sem Annie Lennox samdi og flytur. l Handrit myndarinnar er eftir Arash Amel og var byggt á greininni Marie Colvin’s Private War eftir Marie Brenner sem birtist í tímaritinu Vanity Fair árið 2012 eftir að staðfest var að Marie Colvin hefði látið lífið í sprengjuárás í bænum Homs í Sýrlandi. Greinina má enn finna á vefsvæði Vanity Fair. l VOD 110 mín Aðalhl.: Rosamund Pike, Tom Hollander, Jamie Dornan og Stanley Tucci Leikstj.: Matthew Heineman Útgef.: Sena Sannsögulegt 21. febrúar Rosamund Pike þykir frábær í hlutverki sínu sem fréttakonan Marie Colvin. Enginn veit sína ævi ... Sannsöguleg mynd um Richard Wershe og son hans, Richard „Rick“ yngri, sem aðeins 14 ára að aldri var farinn að vinna fyrir FBI og varð um leið yngsti uppljóstrari sem bandaríska alríkislögreglan hefur haft á sínum snærum. Það er sagt um sumar sannar sögur að þær séu ótrúlegri en nokkur skáldskapur. Það á vel við í tilfelli þessarar sögu um Wershe-feðganna Richard og Rick sem bjuggu í Detroit árið 1983 þar sem Richard hafði leyfi til að selja skotvopn og naut aðstoðar sonar síns við það. Til að afla sér aukatekna seldu þeir hins vegar einnig byssur undir borðið sem rötuðu síðan til glæpagengja og voru notaðar í skærum um hinn ört vaxandi krakkmarkað. Þegar menn FBI komust að uppruna skot- vopnanna ákváðu þeir að bjóða Richard samning um að hann færi ekki í fangelsi fyrir hina ólöglegu sölu ef Rick myndi gerast uppljóstrari þeirra. Þar með var sett í gang atburðarás sem átti eftir að hafa ófyrirsjáanlegar og ótrúlegar afleiðingar ... Punktar .................................................................. HHHH 1/2 - N.Y. Post HHHH 1/2 - Wrap HHHH 1/2 - The Globe and Mail HHHH - Screen HHHH - IGN HHH 1/2 - E.W. HHH 1/2 - Chicago Tribune White Boy Rick er önnur mynd leikstjórans Yanns Demange í fullri lengd en sú fyrsta, ’71, er af mörgum talin ein besta mynd ársins 2014. l Fyrir utan þau þrjú sem nefnd eru í kreditlistanum hér til vinstri fara þau Bruce Dern, Piper Laurie, Eddie Marsan, Rory Cochrane, Brian Tyree Henry og Jennifer Jason Leigh með stór hlutverk í myndinni. l VOD 111 mín Aðalhlutverk: Matthew McConaughey, Richie Merritt og Bel Powley Leikstjórn: Yann Demange Útgefandi: Sena Sá sem leikur Rick, Richie Merritt, er hér í sínu fyrsta hlutverki. l Sannsögulegt 21. febrúar Richie Merritt og Matthew McConaughey í hlutverkum Wershe-feðganna. Myndir mánaðarins 27

Myndir mánaðarins MM Febrúar 2019 DVD VOD og tölvuleikir | Page 27