Hacksaw Ridge Sannsögulegt
Hacksaw Ridge
Sönn saga af ótrúlegu hugrekki
Hermaðurinn Desmond T . Doss er talinn hafa bjargað a . m . k . sjötíu og fimm mannslífum í hinni grimmilegu orrustu við Japani sem kennd er við eyjuna Okinawa . Þetta gerði hann þrátt fyrir að vera vopnlaus og án þess að drepa nokkurn óvinanna .
Hacksaw Ridge er einstök og áhrifarík gæðamynd og um leið ánægjuleg endurkoma Mels Gibson í leikstjórastólinn eftir tíu ára hlé . Hér segir hann okkur hina dagsönnu sögu af læknanemanum Desmond Thomas Doss sem gekk í bandaríska herinn árið 1942 beinlínis til að bjarga mannslífum og neitaði að bera vopn af trúarástæðum . Sumir félagar hans á meðal hermannanna töldu þetta gunguskap í Desmond en annað átti eftir að koma á daginn ...
Það er Andrew Garfield sem leikur Desmond Thomas Doss og er tilnefndur til Óskarsverðlauna fyrir túlkun sína á hetjunni hugumstóru .
Hacksaw Ridge Sannsögulegt
DVD
VOD
Aðalhlutverk : Andrew Garfield , Sam Worthington , Teresa Palmer , Hugo Weaving , Luke Bracey , Vince Vaughn og Rachel Griffiths Leikstjórn : Mel Gibson Útgefandi : Myndform
138 mín
9 . febrúar
Punktar ....................................................
HHHH1 / 2 - Rolling Stone HHHH - Hollywood Reporter HHHH - Time Out HHHH - Telegraph HHHH - Guardian l Desmond Thomas Doss hlaut fjölmörg heiðursverðlaun fyrir framgöngu sína á vígvellinum , þ . á m . þrjár bronsstjörnur , þrenn purpurahjörtu og æðstu heiðursverðlaun hersins , Medal of Honor . Margar sögur eru til að hetjudáðum Desmonds og eru áhugasamir hvattir til að fletta nafni hans upp á netinu og kynna sér þær .
l Hacksaw Ridge var tilnefnd til þrennra Golden Globe-verðlauna , þ . á m . sem besta mynd ársins og er nú tilnefnd til fimm BAFTAverðlauna og sex Óskarsverðlauna , þar á meðal sem besta mynd ársins , fyrir besta leik í aðalhlutverki karla og fyrir leikstjórnina . Myndin hefur þess utan hlotið nær einróma lof bæði gagnrýnenda og almennra áhorfenda og er með 8,5 í einkunn á Imdb . com .
Desmond þurfti að berjast fyrir að fá að fara vopnlaus í átökin .
Veistu svarið ? Hacksaw Ridge er fimmta mynd Mels Gibson sem leikstjóra en áður hefur hann sent frá sér myndirnar The Man Without a Face , Braveheart , The Passion of the Christ og Apocalypto . Fyrir hverja af þessum myndum hlaut hann tvenn Óskarsverðlaun ?
Desmond bjargaði fjölda hermanna frá dauða og vílaði ekki fyrir sér að komast til særðra þótt hann væri þar með í beinu skotfæri óvinanna .
14 Myndir mánaðarins
Braveheart .