Myndir mánaðarins Apríl 2018 tbl. 291 DVD-VOD-BR-Tölvuleikir

12 Strong Þeir ruddu brautina Sönn saga tólf manna bandarískrar hersveitar sem send var til Afganistan strax eftir árásina á tvíburaturnana í New York 11. september 2001 til að ganga í lið með Afgönum sem börðust um völdin við sveitir talíbana í afskekktu fjalllendi landsins. Kvikmyndin 12 Strong eftir leikstjórann Nicolai Fuglsig er framleidd af Jerry Bruckheimer og byggð á bók bandaríska blaðamannsins og rithöfundarins Dougs Stanton, Horse Soldiers, sem kom út árið 2009 og sat á metsölulista New York Times um margra vikna skeið. Hér er sögð sönn saga fyrstu hermannasveitarinnar sem send var til Afganistan eftir árásina á tvíburaturnana í New York 11. september 2001 en hún var aðeins skipuð tólf mönnum og fólst verkefni hennar í að aðstoða afganska sveit, undir stjórn herforingjans Abduls Rashid Dostum, í baráttunni við talíbana í norðanverðu landinu. Ljóst var frá upphafi að þessi för yrði hættulegri en flestar aðrar enda voru talíbanarnir bæði fjölmennari en sveitir Abduls og, ólíkt bandarísku sveitinni, á heimavelli í hrjóstrugu fjalllendinu ... 12 Strong Sannsögulegt / Stríðsmynd DVD VOD Hermennirnir tólf tilheyrðu svokallaðri grænhúfusveit bandaríska hersins og fóru í átökin sem sjálfboðaliðar enda lá nokkuð ljóst fyrir að líkurnar á því að þeir myndu lifa af voru óvenju litlar. 130 mín Aðalhlutverk: Chris Hemsworth, Michael Shannon, William Fichtner, Michael Peña, Taylor Sheridan, Elsa Pataky, Geoff Stults, Rob Riggle, Trevante Rhodes og Fahim Fazli Leikstjórn: Nicolai Fuglsig Útgefandi: Myndform Punktar .................................................... HHH 1/2 - ReelViews HHH 1/2 - Hollywood Reporter HHH 1/2 - TheWrap HHH 1/2 - New York Daily News HHH 1/2 - E.W. HHH - RogerEbert.com HHH - R. Stone 26. apríl Segja má að 12 Strong fjalli um ekki ólíka hetjudáð og hin þræl- góða mynd Black Hawk Down gerði þar sem barist var við nánast vonlausar aðstæður, en þessar myndir eiga það líka sameiginlegt að vera framleiddar af Jerry Bruckheimer. l Sú sem leikur eiginkonu persónunnar sem Chris Hemsworth leikur í 12 Strong, Elsa Pataky, er eiginkona Chris í raun og er þetta í fyrsta sinn sem þau hjónin leika hvort á móti öðru í bíómynd. l Veistu svarið? Chris Hemsworth, sem er auðvitað þekktastur fyrir að leika þrumuguðinn Þór, hefur einu sinni áður leikið í stríðsmynd þar sem hann fór fyrir hópi ungs fólks sem barðist við innrásarher frá Norður-Kóreu. Hvaða mynd erum við að tala um? Eitt það óvenjulegasta við baráttu bandarísku sveitarinnar við talíbanana var að þeir notuðu hesta til að nálgast óvini sína. Red Dawn. 26 Myndir mánaðarins

Myndir mánaðarins Apríl 2018 tbl. 291 DVD-VOD-BR-Tölvuleikir | Page 26