Myndir mánaðarins Apríl 2018 tbl. 291 DVD-VOD-BR-Tölvuleikir

Ronja ræningjadóttir – Robo-Dog Ronja ræningjadóttir Ævintýrið um Ronju í nýjum búningi Þessi 26-þátta teiknimyndasería, sem byggð er á hinni víðfrægu og ástsælu bók Astridar Lindgren, hefur verið sýnd á RÚV og er eftir japanska listamanninn Gorô Miyazaki, son Hayaos Miyazaki sem gerði m.a. Spirited Away og Princess Mononoke. Ævintýrið um Ronju ræningjadóttur kom út árið 1981 og skipaði sér þegar í flokk með bestu bókum Astridar Lindgren, þ. á m. bókunum um Línu langsokk og Emil í Kattholti. Sagan er um hana Ronju sem elst upp í ræningjakastala á miðöldum í Svíþjóð. Hún verður fljótlega mjög forvitin um umhverfi sitt og lendir í ýmsum ævintýrum í skóglendinu um- hverfis kastalann þar sem alls kyns kynjaverur hafast við. Þegar hún síðan kynnist jafnaldra sínum, strák, sem reynist sonur svarinna andstæðinga foreldra hennar breytist allt ... Þessi útgáfa, sem kemur út bæði á DVD-diskum og á VOD-leigunum 12. apríl, inniheldur fyrstu fjóra þættina sem hver fyrir sig er um 25 mínútur að lengd. DVD VOD 100 mín Teiknimyndir með íslensku tali um ævintýri Ronju ræningjadóttur Útgefandi: Myndform Barnaefni 12. apríl Robo-Dog Enginn venjulegur hundur! Þegar hundur hins unga Tylers deyr ákveður faðir hans, sem er snjall upp- finningamaður, að smíða handa honum vélhund sem getur ekki bara skilið og talað mannamál heldur er að auki gæddur ýmsum óvæntum hæfileikum. Fjölskyldumyndin Robo-Dog er ærslafullur og fjörugur farsi frá upphafi til enda sem mun a.m.k. fá yngri áhorfendur til að skella upp úr nokkrum sinnum. Grunnurinn að því að faðir Tylers, Tom Austin, getur smíðað vélhundinn er ný tegund af orkugjöfum sem hann hefur fundið upp og er mörgum sinnum kraft- meiri en venjulegar rafhlöður. Fyrir utan að gera vélhundinum kleift að tala gæðir þessi nýi orkugjafi hann alls konar ofurkröftum og miklum hraða. En þegar gráð- ugur auðjöfur uppgötvar vélhundinn skipar hann sínum mönnum að færa sér hann, hvað sem það kann að kosta. Það reynist hins vegar hægara sagt en gert ... VOD 87 mín Aðalhlutverk: Michael Campion, Patrick Muldoon og Olivia d'Abo Leikstjórn: Jason Murphy Útg.: Myndform Fjölskyldumynd 13. apríl Hinn nýi vélhundur Austin-fjölskyldunnar á eftir að reynast hið mesta þarfaþing. Myndir mánaðarins 17

Myndir mánaðarins Apríl 2018 tbl. 291 DVD-VOD-BR-Tölvuleikir | Page 17