5 Програмско менаџирање
исто така, може да се сметаат како дел од сеопфатниот пристап за развој
на заедницата.
Важен елемент кој треба да се разгледа е различните потреби на
трансродните лица од различни возрасти, вклучувајќи образование,
советување и поддршка за младите, за пре-сексуалните транс лица и за
адолесцентните лица кои го истражуваат и потврдуваат нивниот развој,
родов идентитет и сексуалност. Дизајнот на услугите во смисла на
решавање на прашањето со променливите потреби за „животниот тек“
на трансродните лица е корисен начин да се воспостави програма што е
релевантна, холистичка и обезбедува добра покриеност за целата заедница
(види исто така, Поглавје 3 Секција 3.2.5) . Обезбедувањето приспособени
услуги за невработените, како и самовработените трансродни лица,
вклучувајќи и сексуални работници, исто така, може да помогне да се
зголеми покриеноста и релевантноста.
Рамка 5.4
Спроведување на сеопфатни и интегрирани
услуги предводени од заедницата
Глобалниот фонда за борба против СИДА, туберкулоза и маларија поддржува неколку
трансродни организации за да ги зајакне нивните услуги. Некои од нив имаат холистички,
сеопфатен пристап за пружање на ХИВ интервенциите во рамки на пошироката развојна
заедница:
НИЕ СМЕ ЗДРАВИ здравствениот центар: Овој дроп–ин центар обезбедува безбедно место за
социјализирање на трансродните лица и дискутирање за безбеден секс, семејно насилство
и социјални проблеми. Се нудат исто така и ХИВ тестирања и дополнителни информации.
Центарот исто така нуди месечни набавки на кондоми и лубриканти, правни совети и други
помошни услуги.
Проектот ДИВА повеќе – државен Јужно Азијски грант: Авганистан, Бангладеш,
Бутан, Индија, Непал, Шри Ланка, Пакистан: Овој проект го поддржува зајакнувањето
на капацитетот на преку 60 државни и регионални организации базирани на заедница
кои се вклучени во ХИВ превенцијам, грижа и услуги за поддршка; развој на политики и
застапувања; партнерство со локалните владини претставници и здравствени равотници и
уште многу други услуги кои се добредојдени за трансродните лица. Понудени се и пакети
за обука со кои се намалува стигмата во здравствените установи и интегрирани се во
националните програми.
Поставување програмски стандарди
Oсигурувањето дека програмите за превенција, дијагноза, третман и
грижа за ХИВ и СПИ ги исполнуваат договорените стандарди е суштинска
управувачка функција. Интервенциите наменети за други популации
можеби ќе треба да се прилагодат за потребите на транродните луѓе, а
можеби ќе треба да се зајакнат постојните транс програми за да се постигне
посакуваниот квалитет. Мора да се води сметка да се идентификуваат
специфичните потреби на трансродните заедници и да не се поврзуваат
транс луѓето со други групи и заедници, иако можностите за преклопување
на услугите се уште може да постојат ако може да се одржи специфично
прилагодување и сензитивизација. Услугите треба да се пружаат едноставно,
јасно и концизно, но со доволна родова прифатливост на техничката и
професионалната експертиза, со соодветно внимание на стандардните
оперативни процедури и договорени протоколи за третман и дефинирани
минимални стандарди.
195