4 Пристапи за давање на услугите
Користење на транс-специфични здравствени услуги како влезна точка
за ХИВ третман и превенција
Заканата и големото искуство со стигмата, дискриминацијата, насилството
и угнетувањето создаваат значителни пречки за транс луѓето да пристапат
до здравствени услуги. Со цел да се направат услугите подостапни,
транс-специфичните здравствени проблеми кои се надвор од ХИВ може
да се користат како влезна точка. Овие услуги може да се понудат во
здравствените установи или преку упатување до познати и доверливи
институции. Како минимум, треба да се обезбедат информации и едукација
за транс-специфични здравствени проблеми, како што се:
• пристап до хормони и хормонска терапија;
• следење на нивото на хормони и проценка на реакциите од интеракцијата
на хормон – лек (види Поглавје 3, Секција 3.3.9);
• родовиот идентитет и психосоцијалното советување и поддршка;
• групи за поддршка фокусирани на транзиција и развој на мрежи за
поддршка
• отстранување на влакната;
• хирургија за реконструкција на градите кај мажи и жени, хирургија за
промена на полот и други оперативни зафати и процедури.
Здравствените работници може да ги користат клиентските посети за
некоја од горенаведените загрижености како можности за дискутирање
на постоечките прашања кои можат да влијаат на нивната здравствена
заштита и за транс-специфичните и за општите потреби. Многу од овие
проблеми можеби не се директно поврзани со здравјето, но сепак влијаат
на способноста на клиентот да бара и да се придржува до соодветна
здравствена заштита. Овие загрижености најчесто вклучуваат:
• вработување;
• домување;
• семејно и општествено прифаќање;
• законско признавање на родот и документи за идентификација;
• Заштита поврзана од ХИВ;
• Услуги за СПИ;
• сексуална и репродуктивна здравствена заштита;
• процес на феминизација / маскулинизација
• сексуална работа;
• употреба на супстанции и зависност;
• насилство (интимен партнер, домашено, институционалено, структурно
и сл.).
Здравствените работници треба да ги користат овие можности за лекување
на клиентите и од други здравствени проблеми што можеби ги доживуваат
или да ги упатат на други покомпетентни здравствени работници ако е
потребно.
155