3 Услуги
потврдување и да ги предупредат за поголем ризик од тромбоза од естрогени
во оралните контрацептивни средства (етинил естрадиол) во споредба со
феминизирачката хормонска терапија. Иако естрогените може значително
да ја намалат плодноста, тие не можат да ја спречат бременоста. Затоа
треба да се дискутира за плодноста и контрацепцијата со транс жени кои
го задржуваат пенисот и тестисите и имаат незаштитен секс со плодни
жени. Транс жените кои сакаат биолошки потомци треба да разговараат
за нивните репродуктивни опции, како што се замрзнување и складирање
на сперматозоидите, пред да започнат со хормонската терапија за
феминизирање, бидејќи не е јасно дали ќе се произведе одржлива сперма
после земање на естроген.
Транс мажите кои имаат матка и јајници можат да забременат кога имаат
вагинален однос, дури и кога земаат андрогени. Транс мажите кои сакаат да
забременат треба да бидат информирани дека тестостеронот ја намалува
плодноста и не е јасно дали целосната плодност се враќа кога ќе се прекинат
андрогените. Пред да започнат со маскулинизирана хормонска терапија,
репродуктивните опции, вклучително и пребарување и складирање на јајце
– клетките, треба да се дискутираат со транс мажите кои сакаат биолошко
потомство. Иако тестостеронот ја намалува плодноста, тој сепак не е
контрацептивно средство, а транс-мажите кои имаат незаштитен секс со
плодни мажи се изложени на ризик за бременост и сексуално преносливи
инфекции и треба да бидат прегледани и да дадат информации за нивните
контрацептивни опции.
Рамка 3.8
Пример на случај: Фокусирање на здравствените услуги за
трансродните сексуални работници во Нов Зеланд
Тековниот проект за теренска работа на трансродните лица на Колективот за проститутки на
Нов Зеланд (NZPC) обезбедува информации за теренските транссексуални работници низ
Нов Зеланд - како на нивните места за сексуална работа, така и во центрите на заедницата
на NZPC. Проектот под пиер водство базиран на правата и зајакнувањето, ONTOP вклучува
превенција и поддршка за ХИВ за оние лица кои што живеат со ХИВ. Проектот обезбедува
неделни клинички прегледи за сексуално и репродуктивно здравје. Тие работат во центрите
на заедницата на NZPC во соработка со лекарите и медицинските сестри од Сексуалните
здравствени услуги. Клиниките се бесплатни и доверливи и, каде што е можно, се чуваат
само де-идентификуваните анонимни податоци. Транс-жените, транс-мажите и други
лица малцинството можат да пристапат до хормони и да добиваат медицински прегледи,
вклучително и тестирање за сексуално преносливи инфекции и ХИВ.
Обезбедени се бесплатни залихи за практикување безбеден секс, заедно со пиер поддршка
и информации. ONTOP работи со вработените во клиниката за да се осигура дека пристапите
се доволно чувствителни за потребите на транс луѓето. ONTOP исто така е вклучен во
формална обука за студенти од трета и четврта година на Универзитетот Отаго. Проектот
проценува дека преку клиничките услуги и теренската работа тие имаат контакт со над 95%
од транс лица кои се вклучени во сексуалната работа.
www.nzpc.org.nz
119