MIDDLE EAST HISTORY POLITICS CULTURE XIII MIDDLE EAST XIII | Page 54
կավածեփ հատակը: Հատակի վրա գտնվեց պեմզայից պատրաստված
ձկան կարթի կլոր ծանրոց (Աղյուսակ 1, դ.): Այս հանգամանքը որոշակի
հիմքեր է տալիս ենթադրելու, որ այս սենյակում ապրողները զբաղվել
են ձկնորսությամբ: Այստեղ գտնվեցին նաև հետուրարտական
ժամանակաշրջանի խեցեղեն մնացորդներ և կենդանական ոսկորներ:
Այնուհետև ֆիքսվեց խճաքարերով հարթեցման երկու շերտ: Մոտ 40 սմ
խճաքարային շերտը շարունակվում է: Ակնհայտ է, որ խճաքարերով
արվել է մակարդակի բարձրացում, իսկ այնուհետև`հարթեցում` Սեն-
յակ 001-ի վազագույն հատակի պատրաստման համար: Այն հետագա-
յում ավելացվել է իրար հաջորդող երկու կավածեփ հատակներով:
Խճաքարերով շերտերի տակ որոշ հատվածներում ֆիքսվեց հողե
շերտեր (Նկար 7): Այստեղ գլխավորապես գտնվեցին սև գույնի խեցեղեն
բեկորներ (Աղյուսակ 3), կենդանական ոսկորների կտորներ և
վանակատե բեկորներ: Մեր կարծիքով, գտնված խեցեղենը կարելի է
թվագրել Ք. ա. VIII-VII դարերով 14 : Մեզ հավանական է թվում, որ ՇՄ
019-ը և 020-ը կառույցի պատի հատված է, որը վերաբերում է Ք. Ա. VIII-
VII դարերին: Այնուհետև հետուրարտական փուլում այս կառույցը
փակվել է, արվել է խճաքարով հարթեցում և ստեղծվել կիսագետնափոր
կացարանի հատակը (Աղյուսակ 3):
Սենյակ 001-ում խեցեղենի բեկորներից բացի գտնվել է աղորիքի
հատված (Աղյուսակ 1, ա.), խաղաքար (Աղյուսակ 1, ե.), կրակարանի
բեկորներ, պեմզայից պատրաստված վերը նշված կլոր ծանրոցը, որը
նախատեսված է եղել ձկնորսության համար (Աղյուսակ 1, դ.): Հաշվի
առնելով Սևանա լճի բավականին մոտ լինելը՝ կարելի է ենթադրել, որ
ձկնորսությունը զգալի տեղ է զբաղեցրել տվյալ բնակավայրի բնակիչ-
ների համար: Նման ծանրոցի զուգահեռներ հայտնաբերվել են Օձա-
բերդից ոչ շատ հեռավորության վրա գտնվող Կարճաղբյուրի բնակա-
վայրի պեղումներից 15 : Այս սենյակում 2015-2016 թթ. պեղաշրջանների
ընթացքում նաև գտնվել են վանակատի ցլեպներ, կենդանական
ոսկորներ: Խիստ աղքատիկ են մետաղից պատրաստված գտածոները:
Այս առումով հայտնաբերվել են գամ (Աղյուսակ 1, է.), իսկ Սենյակ 001-ի
Տեղամաս C-ից հայտնաբերված որոշ առանձնացված խեցեղեն նմուշների
գծանկարները տե՛ս՝ Աղյուսակ 2:
15 Կարապետյան Ի., Կարճաղբյուրի պեղումները (1975-1978), Պատմաբանա-
սիրական հանդես, N 3, 1979, էջ 276:
14
54