MIDDLE EAST HISTORY POLITICS CULTURE XIII MIDDLE EAST XIII | Page 274

1967-1973 թթ. ընթացքում Ալեքսանդր Սարուխանը շուրջ 90
երգիծապատկերներ է նկարել, որոնցում արտահայտված են Եգիպ-
տոսի արտաքին և ներքին քաղաքականության կարևորագույն իրա-
դարձությունները: Ալեքսանդր Սարուխանի երգիծապատկերներում
արտացոլված են 1971 թ. Եգիպտոսի նախագահի պաշտոնը ստանձնած
Անվար Սադաթի որդեգրած արտաքին և ներքին քաղաքականությունը,
որի ընթացքում մի շարք արմատական փոփոխություններ իրականաց-
վեցին 8 :
Սարուխանը պատկերել է նավթի գործոնը միջազգային հարա-
բերություններում. մասնավորապես մի երգիծապատկեր է պատկերել,
որում ներկայացվում է, թե ինչպես են արաբական երկրները փորձում
նավթի գործոնը օգտագործել որպես քաղաքական լծակ արևմտյան
պետությունների քաղաքականության վրա ազդելու համար 9 : Սարու-
խանն իր աշխատանքներում անդրադարձել է նաև Եգիպտոսում զին-
վորականների դերի լուսաբանմանը, որոնք առայսօր շարունակում են
կարևոր դերակատարում ունենալ երկրի պետական կառավարման
գործում 10 :
Ալեքսանդր Սարուխանը իր երգիծապատկերներում պատկերել է
Սուեզի ջրանցքի ազգայնացումը, արաբաիսրայելական պատերազմ-
ները, Ասուանի ջրամբարի կառուցումը, մերկացրել Եգիպտոսի հա-
սարակական-քաղաքական կյանքում առկա խնդիրները 11 : Ալեքսանդր
Սարուխանը ստեղծագործական կյանքի ընթացքում ստեղծագործել է
մոտ 40000 երգիծապատկեր, որոնք տպագրվել են արաբական, հայ-
կական և ֆրանսիական մամուլի էջերում 12 :
Ալեքսանդր Սարուխանի ծննդյան 100-ամյակի կապակցությամբ
Եգիպտոսում տեղի ունեցան տարբեր մշակութային միջոցառումներ:
Նախ 1998 թ. դեկտեմբերի 6-14 տեղի ունեցավ երգիծաբանի հոբելյա-
նական ցուցահանդեսը, որի ընթացքում ցուցադրվեց հայ երգիծաբանի
մոտ 100 աշխատանք: Այնուհետև Կահիրեի Հայկական բարեգործական
ընդհանուր միությունը թողարկեց Ալեքսանդր Սարուխանի լավագույն
աշխատանքների ալբոմը, իսկ 1998 թ. դեկտեմբերի 14-ին տեղի ունեցավ
«Արեգ», 2013, № 40, էջ 11-12:
Նույն տեղում, էջ 12-13:
10 Նույն տեղում, էջ 6-15:
11 Նույն տեղում, 2014, № 42, էջ 24-25:
12 Սարուխան Ա., Մենք մեր ակնոցով, Գահիրէ, 1962, էջ 5:
8
9
274