MIDDLE EAST HISTORY POLITICS CULTURE XIII MIDDLE EAST XIII | Page 271
ՄՅԱՍՆԻԿ ԵՍՈՅԱՆ
(ԵԿՏԱ)
ԵԳԻՊՏԱՀԱՅ ԱՐՎԵՍՏԱԳԵՏՆԵՐԸ «ԱՐԵԳ»
ՊԱՐԲԵՐԱԿԱՆԻ ԷՋԵՐՈՒՄ 2010-2015 ԹԹ.
Հայկական բարեգործական ընդհանուր միության Կահիրեի մաս-
նաճյուղի ֆինանսավորմամբ 2010 թ. առայսօր լույս է տեսնում «Արեգ»
պարբերականը, որը շարունակում է կատարել «Արև» օրաթերթի արա-
բերեն հավելվածի առաքելությունը: «Պատահական չէ, որ պարբե-
րականը «Արեգ» անվանումը ստացավ»,- նկատում է արաբ հետազոտող
Մուհամմադ Ռիֆաթ ալ Իմամը «Վերադարձ դեպի սկիզբ» հոդվածում,
որտեղ հեղինակը ներկայացնում է պարբերականի ստեղծման պատ-
մությունը 1 :
«Արև»-ի արաբերեն հավելվածի նման «Արեգ» պարբերականի
հիմնական նպատակը հայ-արաբական` մասնավորապես հայ-եգիպ-
տական հարաբերություններն ամրապնդելն է: ՀԲԸՄ արաբերեն պար-
բերականի օգնությամբ ցանկանում է խորացնել հայ և արաբ ժողո-
վուրդների միջև մշակութային կապերը: Հայկական բովանդակությամբ
թեմաներից բացի «Արեգ» պարբերականը անդրադարձել է նաև արա-
բական բովանդակությամբ տարաբնույթ թեմաների լուսաբանմանը:
«Արեգ» պարբերականը «Արև»-ի արաբերեն հավելվածի նման ձգտել է
ուշադրության կենտրոնում պահել եգիպտահայ արվեստագետների
գործունեության լուսաբանումը և արաբախոս ընթերցողի շրջանում
վառ պահել նրանց հիշատակը:
Եգիպտահայ համայնքը 20-րդ դարում նշանակալից հաջողու-
թյուններ ունեցավ կերպարվեստի բնագավառում: Կերպարվեստի
տարբեր ճյուղեր բավականին շահութաբեր էին` հնարավոր դարձնելով
նկարչական դպրոցների, ցուցասրահների և ցուցահանդեսների առկա-
յությունը: Կահիրեում և Ալեքսանդրիայում գործում էին Լեոնարդո դա
Վինչիի նկարչական դպրոցը, բազմաթիվ ցուցասրահներ, որոնք զբաղ-
վում էին նկարների առևտրով: Այդ միջավայրում ապրեցին և ստեղ-
ծագործեցին մի շարք հայ նկարիչներ և քանդակագործներ, որոնք
պատվավոր տեղ են գրավում եգիպտական կերպարվեստի պատմու-
1
Արեգ, Կահիրե, 2010, № 1, էջ 1 (արաբերեն):
271