MIDDLE EAST HISTORY POLITICS CULTURE XIII MIDDLE EAST XIII | Page 233
գործարարներից բաղկացած պատվիրակության հետ այցելությունը
վկայում է այն մասին, որ Թուրքիան պատրաստ է խորացնել իր տնտե-
սական հարաբերությունները Վրաստանի հետ: Իր վրաց գործընկերոջ
հետ հանդիպման ընթացքում Թուրքիայի վարչապետն առաջարկեց
երկու երկրների միջև բացել երրորդ սահմանային անցակետը՝ Կարս-
Ախալքալաք հատվածում՝ պատրաստակամություն հայտնելով այդ
նախագծի համար գտնել համապատասխան ֆինանսավորում 9 : Կող-
մերը քննարկեցին նաև Բաքու-Թբիլիս-Ջեյհան նավթամուղի հարցը: Ռ.
Թ. Էրդողանը ընդգծեց, որ նավթամուղի շահագործումը բավական
կարևոր է երկու երկրների համար` շեշտադրելով այն հանգամանքը, որ
նավթամուղը հնարավորություն կտա Վրաստանին ապահովել ավելի
մեծածավալ արտաքին ներդրումներ երկրի տնտեսության մեջ: Կող-
մերը քննարկեցին նաև Կարս-Ախալքալաք-Թբիլիսի երկաթգծի կա-
ռուցման հարցը: Նույն թվականի մայիս ամսին Անկարա կատարած
պաշտոնական այցի ժամանակ Մ. Սաակաշվիլին թուրքական կողմին
առաջարկել էր պարզեցնել Սարփիի անցակետով դեպի Թուրքիա
գնացող քաղաքացիների վիզայի տրամադրման գործընթացը: Նախա-
գահ Սաակաշվիլին խոստացել էր, որ Վրաստանն այսուհետ կհեշ-
տացնի այդ գործընթացը Թուրքիայի քաղաքացիների համար 10 : Հան-
դիպման վերջին օրը՝ օգոստոսի 13-ին, կողմերմ այցելեցին Սարփիի
անցակետ, որտեղ Մ. Սաակաշվիլին և Ռ. Թ. Էրդողանը համատեղ
հայտարարությամբ ազդարարեցին այն մասին, որ Վրաստանի ու
Թուրքիայի քաղաքացիներն այսուհետև առանց վիզայի կարող են
հատել Սարփիի անցակետը 11 :
Այսպիսով, կարելի արձանագրել, որ վարչապետ Էրդողանի այ-
ցելությամբ Վրաստանի և Թուրքիայի միջև սկսվեց առևտրատնտե-
սական հարաբերությունների նոր փուլ: Ինչպես Թուրքիայի, այնպես էլ
Վրաստանի քաղաքական վերնախավը պատրաստ էր այդ նոր փուլի
մեկնարկին: Թուրքիան դրա համար ուներ անհրաժեշտ ֆինանսական
ռեսուրսներ, արտահանումը խրախուսող տնտեսական քաղաքա-
կանություն, համապատասխան տնտեսվարող սուբյեկտներ, որոնք
Erdoğan'dan Gürcistan'a: Gecikmeye tahammül yok, Sabah, 12.08.2004.
სააკაშვილი მიესალმება თურქეთის როლს აჭარის კრიზისის მოგვარების
საქმეში, 20.04.2004.
http://www.civil.ge/geo/article.php?id=6805&search
11 Sarp'tan vizesiz geçilecek, Milliyet, 13.08.2003.
9
10
233