MIDDLE EAST HISTORY POLITICS CULTURE XIII MIDDLE EAST XIII | Página 192
էր, որ Կատարը պարտավոր էր հարցման դեպքում տեղեկություն
տրամադրել նման մարդկանց տեղաշարժի, բնակության վայրի, ֆինան-
սական իրավիճակի մասին, արտահանձնել կամ հայրենիք վերա-
դարձնել բոլոր այն անձանց, որոնք Կատարի կողմից ազատ էին
արձակվել քառյակի երկրների հետ դիվանագիտական հարաբերու-
թյունների խզումից հետո 14 ։
Առաջ քաշված պահանջներից մի քանիսն էլ վերաբերում էին
կատարական «ալ-Ջազիրայի» և նրա քույր կառույցների փակմանը։
Համարվում էր, որ «ալ-Ջազիրան» «արաբական գարնան» գործընթաց-
ների ժամանակ ծառայել է որպես տեղեկատվական և քարոզչական
հարթակ: Առհասարակ, Սաուդյան Արաբիան և նրա դաշնակիցները
Կատարից պահանջում էին դադարեցնել միջամտությունը օտար
պետությունների ներքին գործերին, կատարական հպատակությունից
զրկել քառյակի անդամ պետությունների վտարանդի քաղաքացիներին,
տեղեկատվություն և համապատասխան ապացույցներ տրամադրել
Կատարի հետ կապեր ունեցող քառյակի անդամ պետությունների
քաղաքացիների մասին։ Բացի այդ, Կատարը պարտավորվելու էր
գործընկերային քաղաքականություն վարել ԾԱԵՀԽ-ի անդամ երկրնե-
րի և արաբական երկրների հետ բոլոր մակարդակներում (ռազմական,
քաղաքական, տնտեսական, սոցիալական և անվտանգային) 15 :
Քառյակի առաջ քաշած փաստարկները, մասնավորապես մի-
ջազգային ահաբեկչությանն աջակցելու հետ կապված, սուր քննադա-
տության ենթարկվեցին Կատարի իշխանությունների կողմից՝ որպես
չհիմնավորված և չապացուցված 16 : Հետաքրքրություն է ներկայացնում
այն փաստը, որ նույնիսկ մեկ տարի անց Կատարի կառավարությունն
այդպես էլ չընդունեց և ընդառաջ չգնաց քառյակի առաջ քաշած պայ-
մաններից և ոչ մեկին։ Հարևան պետությունների կողմից շրջափակման
մեջ հայտնված Կատարի իշխանությունները, որքան էլ անսպասելի էր,
քաղաքական ճգնաժամի ողջ ընթացքում բավական ինքնավստահ
քաղաքականություն վարեցին՝ ի ցույց դնելով, որ Կատարի դեմ
իրականացված քայլերը շոշափելի հետևանքներ չեն կարող ունենալ և
չեն կարող վնաս հասցնել Կատարի ինքնիշխանությանը և ազդե-
ցության ընդլայնմանը:
Նույն տեղում:
Նույն տեղում:
16 What is the Qatari crisis?, https://www.dw.com.
14
15
192