MIDDLE EAST HISTORY POLITICS CULTURE XIII MIDDLE EAST XIII | Page 139
Վերլուծելով հասարակ ադրբեջանցիների և լրատվամիջոցների
արձագանքները՝ առաջին հերթին պետք է նշենք, որ իր քրդական
ինքնությունն ու Իրաքի քրդերի ինքնորոշման նկատմամբ համակրան-
քը բարձրաձայնած անձին սպառնացողների մեծ մասը հանդես էր
գալիս պանթյուրքիզմի ժամանակակից գաղափարախոսությանը հա-
տուկ պնդումներով: Դրանց էությունը կայանում էր նրանում, որ ան-
ջատողական քրդերը Թուրքիայի և Ադրբեջանի, ընդհանրապես «թյուր-
քական աշխարհի» թշնամիներն են: Ոմանք նույնիսկ բացառում էին
ժամանակակից Ադրբեջանում քրդերի գոյությունը՝ պատճառաբանելով,
որ նրանք դեռ 1-2 հարյուրամյակ առաջ պետք է ձուլված լինեին
թյուրքերի հետ: Շատ ադրբեջանցիներ էլ քրդական հանրաքվեի դեմ էին
հանդես գալիս՝ զուտ ելնելով եղբայրական Թուրքիայի շահերից:
Ուշագրավ է, որ անհամեմատ ավելի քիչ թվով, այնուամենայնիվ կային
օգտատերեր, որոնք այս կամ այն չափով պաշտպանում էին Ֆիզուլի
Թանրըվերդիևին, արդարացնում Իրաքի քրդերի գործողությունը և
հիշեցնում նորագույն շրջանի Ադրբեջանի սոցիալ-քաղաքական կյան-
քում քրդերի ունեցած դերի մասին: Տվյալ մարդիկ թերևս նույնպես
էթնիկ քրդեր էին, որոնց համար առիթ էր ընձեռնվել սեփական ինքնու-
թյունը պաշտպանելու և դրա մասին բարձրաձայնելու համար:
Ֆիզուլի Թանրըվերդիևի՝ հանրաքվեին աջակցող լուսանկարները և
դրանք քննադատող լրատվաջոցի գրառումը.
«գործում են» մինչև 1991-1994թթ. գոյություն ունեցած վարչատարածքային բա-
ժանման հիման վրա ստեղծված տեղական կառավարման մարմինները (Լա-
չինի, Քելբաջարի, Ֆիզուլիի և այլն):
139