Միջազգային և տարածաշրջանային կազմակերպությունների պաշտոնական փաստաթղթերում , ԶԼՄ-ում այս տարածաշրջանային հակամարտության հետ կապված կարելի է հանդիպել երկու հասկացողության , որոնք մեկնաբանման կարիք ունեն : Դրանցից մեկը որպես աշխարհագրական տարածք ընկալվող , Իսպանիայի նախկին գաղութ Արևմտյան Սահարան է , որը Մադրիդյան համաձայնագրից հետո օկուպացվեց Մավրիտանիայի և Մարոկկոյի կողմից : Այս տարածքը հակամարտության պատճառ էր Մարոկկոյի թագավորության և Սահարայի ժողովրդի միջև , որի շահերը ներկայացվում էր ՊՕԼԻՍԱՐԻՕ-ի կողմից 3 : Աշխարհագրորեն հյուսիսում այն սահմանակցում է Մարոկկոյին , հարավ-արևելքում ՝ Մավրիտանիային , հյուսիս-արևելքում ՝ Ալժիրին , իսկ արևմտյան ափը ողողվում է Ատլանտյան օվկիանոսի ջրերով : Տարածքը` 284 հազար կմ ² է 4 : Երկրորդ հասկացողությունը ՝ սահարական « աքսորված » կառավարությունն է Ալժիրի տարածքում , որտեղ կենտրոնացած են սահարացի փախստականները 5 :
Այսպիսի շփոթություններից խուսափելու համար անհրաժեշտ է հակիրճ անդրադառնալ այս երկու հասկացողությունների մեկնաբանմանը .
Նախ` Արևմտյան Սահարայի ժողովուրդ ասելով հասկանում ենք այն մարդկանց , որոնք օկուպացված պայմաններում ապրում են մարոկկոյական ինքնավարության շրջանակներում և երազում անկախության մասին , իսկ ալժիրյան ճամբարներում հաստատված սահարացի փախստականների երազանքը հայրենի օջախ վերադառնալն է :
Արևմտյան Սահարայի հակամարտության ապակայունացնող ազդեցությունը Մաղրիբի տարածաշրջանի , ինչպես նաև միջկառավարական հարաբերությունների վրա ստիպեց հակամարտող կողմերին 1980-ական թվականների սկզբին ՝ ՄԱԿ-ի և ԱՄԿ-ի հովանու ներքո
3
Zunes S ., Mundy J ., Western Sahara : War , Nationalism , and Conflict Irresolution , New York : Syracuse University Press , 2010 , p . 104 .
4
حميد فرحان محمد الزاوى ، الدول الافريقية ومشكلة الصحراء الغربية ، مكتبة أسامة بن ، ١٩٨٧ صفحة . ٨٥ زيد ، حلب ،
5
Ավելի քան 100 հազար սահարացիներ ապրում են Թինդուֆի ճամբարներում , որոնց գոյատևմանը նպաստում է միջազգային օգնությունը . առաջին հերթին ՄԱԿ-ի փախստականների հարցով գերագույն հանձնաժողովի , Պարենի համաշխարհային ծրագրերի և Կարմիր Խաչի միջազգային հանձնաժողովի կողմից հատկացվող օգնությունը : Տե ՛ ս San Martín P ., Western Sahara : The Refugee Nation , Cardiff : University of Wales Press , 2011 , p . 155 .
95