ակնարկի նպատակն Ալ-Կաիդայի վտանգները ցուցադրելն է ՝ կառույցին հաղթելու վերաբերյալ գիտնականների և փորձագետների արտահայտած մտքերն օգնում են սպառնալիքի ակունքները տեղորոշել նրա գաղափարաբանության մեջ , այլ ոչ միայն իրագործած բռնություններում ։
Իր գաղափարները տարածելու գործում Ալ-Կաիդայի կարողությունները վտանգի են ենթարկում միջազգային իրավակարգը , քանի որ դա բարդացնում է աշխարհով մեկ համագործակցող արմատական շարժումների դեմ քայլերի ձեռնարկումը ։ Ինչպես նշում է Ռոհան Գունառատնան , չնայած Ամերիկայի Իրաք ներխուժումից հետո Ալ-Կաիդան մասամբ անարդյունավետ էր գործում , Համաշխարհային Ջիհադը ( Global Jihad ) շարունակում է դեռևս վտանգավոր մնալ և պահպանել է իր կապերը տարածաշրջանային ու համաշխարհային բջիջների հետ 31 : Իսկապես , Ալ-Կաիդայի կապը հարավարևելասիական արմատական ահաբեկչական շարժման ՝ Ջեմա ’ ա Իսլամիայի (« Իսլամական միաբանություն ») հետ հենվում է մուսուլմանական աշխարհը մեկ իսլամական միության մեջ միավորելու գաղափարախոսության վրա , իսկ երկու կազմակերպությունների ղեկավարների ջերմ հարաբերությունները ցույց են տալիս ահաբեկչական նման խմբավորումներում գաղափարախոսության ազդեցիկության խորությունը 32 : Ալ-Կաիդայի և Ջեմա ’ ա Իսլամիայի նմանօրինակ փոխադարձ աշխարհընկալումը հանգեցրել է դրանց ներգրավվածությանն այնպիսի ահաբեկչական գործողություններում , ինչպիսին է ինքնաթիռի առևանգումը Բանգկոկում 33 : Այսպիսիով ՝ վերոնշյալ քայլերը պարզորոշ ցույց են տալիս արմատական գաղափարաբանության կարևորությունը և դրա պարունակած վտանգները միջազգային իրավակարգի համար այն մեծ ազդեցության առումով , որ կարող է ունենալ տարբեր տարածաշրջաններում գործող կազմակերպությունների միավորումը ։
Արևմուտքը ՝ արմատականության թիրախ Վերջին տարիներին արևմտյան երկրներում ահաբեկչական
31
Gunaratna R ., Ideology in Terrorism and counter Terrorism : Lessons from combating Al Qaeda and Al Jamaah Al Islamiyah in Southeast Asia , International Relations and Security Network , 2005 , http :// www . isn . ethz . ch / isn / Digital-Library / Publications / Detail /? ots591 = 0C54E3B3-1E9C-BE1E-2C24-A6A8C7060233 & lng = en & id = 44015 .
32
Նույն տեղում , էջ 20 :
33
Նույն տեղում , էջ 23 : 87