Անգամ եթե դա այդպես է , Ալ-Կաիդայի պասիվ գոյությունն անգամ չի նշանակում , թե սպառնալիքն ուղղված է միայն օտարերկրյա սուբյեկտներին ։ Մուսուլմանական աշխարհում և արաբական երկրներում արմատականների ու գործող կառավարությունների բախումն ակներև է ։ Իրական սպառնալիքն ուղղված է քաղաքական և կրոնական գործող կառուցվածքին ՝ որպես Ումման միավորելու խոչընդոտների 20 : Չնայած Ալ-Կաիդան Արաբական թերակղզու տարածքում մի շարք հարձակումներ է հեղինակել ընդդեմ ամերիկյան և արևմտյան երկրների քաղաքացիների , մեկնաբանել է իր թշնամանքը տարածաշրջանում արևմտյան ազդեցության առկայությամբ և անընդունելի համարել Սաուդյան Արաբիայի հարստության բռնազավթումն Ամերիկայի կողմից և այլն , այնուամենայնիվ Ալ-Կաիդայի իրական վտանգը ներկայիս վարչակարգերի հանդեպ դրա ներհակ կեցվածքն է ։ Ինչպես նշում են Քուինթան Վիկտորովիցը ( Quintan Wiktorowicz ) և Ջոն Քալնթերը ( John Kalnter ), « ջիհադիստները մեղադրում են սաուդցիներին և իսլամական աշխարհի մնացյալ վարչակարգերին իսլամին անհարիր վարքուբարքի մեջ , նրանց համարելով ուրացողներ , և նրանց հեռացնելու համար ջիհադի կոչ են անում » 21 : Ալ-Կաիդան ահաբեկում է սաուդյան կառավարությանը ՝ պահանջելով հեռանալ երկրից 22 : Նմանապես , իսլամական աշխարհի կառավարման վերաբերյալ գաղափարախոսության և մոտեցումների տարբերությունների պատճառով Ալ-Կաիդայի արմատականները հակասության մեջ էին սաուդյան վարչակարգի հետ ՝ ընդդիմանալով նրան և պատրաստակամություն հայտնելով փոխելու իսլամի ընկալումն Արաբական թերակղզում 23 : Ավելին , Բին Լադենը սաուդյան վարչակարգին մեղադրում է իսլամի խնդիրների նկատմամբ ամերիկյան արտաքին քաղաքականության դրույթները նույնությամբ վերարտադրելու և Պաղեստինում ու Իրաքում մուսուլմանների իրավունքները պաշտպանել չկարողանալու մեջ 24 : Արդյունքում Ալ-Կաի-
20
Kilcullen D ., The accidental Guerrilla , Carlton North , Victoria , Australia , 2009 , p . 16 .
21
Wiktorowicz Q ., Kaltner J ., Killing in the name of Islam : AL Qaeda ’ s Justification for September 11 , Middle East Policy , 2003 , 2 , p . 4 .
22
Chaliand G ., Blin A ., The History of Terrorism , Berkeley , CA , United States , 2007 , p . 224 .
23
Post Jerrold M ., The mind of the terrorist , New York , 2007 , p . 197 .
24 bin Laden interview , “ The Saudi Regime ,” 1996 , cited in Lawrence Bruce messages to the world , London , New York , 2005 , p . 36 .
85