Նասերին վաճառելու ցանկություն ունենալու » համար 20 : Այժմ կոմիտեն սկսեց ալ-Հաֆեզի կողմնակիցներին աստիճանաբար տեղափոխել բանակի պակաս կարևոր պաշտոնների :
Քանի որ ալ-Հաֆեզը սուննի էր , իսկ Ջադիդը` ալավի , բանակում աղանդավորացում` կրոնական պատկանելության վրա հիմնված սեպարատիզմ սկսվեց : Այս իրադրությունում հատկապես դժվարացավ պաշտպանության նախարարի ընտրության հարցը , քանի որ հարկավոր էր գտնել այնպիսի մեկին , ով ընդունելի կլիներ բանակի թե ՛ մեծամասնություն կազմող ալավի թևի , թե ՛ սուննիներից , իսմաիլականներից և դրուզներից կազմված ընդդիմադիր թևի համար : Միակ հարմար թեկնածուն դուրս եկավ Մուհամադ Ումրանը , ով և ալավի էր , և միաժամանակ ո ՛ չ Ջադիդի կողմնակիցն էր , ո ՛ չ էլ ալ-Հաֆեզի , քանի որ նրանք միասին էին իրեն հեռացրել իր պաշտոնից : Սակայն այս միջոցը , որ կոչված էր միավորել բանակի ուժերը , 1965 թ . դեկտեմբերից հետո է ՛ լ ավելի խորացրեց տարաձայնությունները` բանակը բաժանելով երեք խմբավորումի` Ջադիդի կողմնակից ալավիներն ու դրուզները ( 60 %), ալ-Հաֆեզի կողմնակից սուննիները ( 25-30 %) և Ումրանի` քաղաքացիական թևի կողմնակից ալավիները ( 10-15 %), որոնց միջև լարվածությունը հաճախ հանգեցնում էր անհնազանդությունների 21 :
Որպես այս ամենի արդյունք պայքարը իշխանության համար վերածվեց կրոնակաքաղաքական և գաղափարախոսական պատերազմի , որն առաջացավ դավանաբանական կրքերի բորբոքման և համայնքային մտածելակերպի առաջքաշման արդյունքում : Այս պատերազմում Հ . ալ-Ասադի գլխավորությամբ քաղաքական և ռազմական մեծամասնություն ստացած ալավիները սկզբնական շրջանում առաջնորդվում էին համաարաբական շահերով :
Քեմփ-Դևիդից առաջ և հետո Սիրիան անդադար փորձում էր բանակցությունների նոր փուլ մեկնարկել միացյալ արաբական պատվիրակության , ԱՄՆ-ի և ԽՍՀՄ միջև , որպեսզի խափանի հետագա բանակցությունները Եգիպտոսի և Իսրայելի միջև , սակայն Դամասկոսին այս մանևրը չհաջողվեց , և ստորագրվեց Սինայ-2-ը : Սա և հանգեցրեց Եգիպտոսի և Սիրիայի հարաբերությունների դադարեցմանը 22 : Սակայն
20
Van Dam N ., նշվ . աշխ ., էջ 16 :
21
Pollack B ., Arabs at War , 2002 , p . 458 .
22
Սիրիան մեղադրեց Եգիպտոսին այն բանում , որ նա , անցնելով Բար Լևի գիծը , չառաջացավ և հետ կանգնեց պատերազմի նախնական պայմանավորվածությունից , ինչը պատերազմում պարտության պատճառ դարձավ :
61