MIDDLE EAST HISTORY POLITICS CULTURE XI-XII Middle East | Page 59
բերել ԱՄՀ կարգավիճակը Սիրիայում 15 :
Փաստորեն կուսակցության հետագա պառակտման իրական
պատճառը թաքնված է ոչ միայն գաղափարախոսական պայքարի մեջ:
Շատ ավելի կարևոր էր դրա ի սկզբանե բաժանումը քաղաքացիական`
Միշել Աֆլակի գլխավորությամբ, և ռազմական` «ռազմական կոմի-
տեի», թևերի միջև: Իրական իշխանությունը գտնվում էր ռազմական
թևի ձեռքում 16 : Սիրիայի հետագա պատմությունը կապված պիտի լիներ
այս թևերի միջև ընթացող պայքարի հետ: Նույնիսկ Բաասի նախկին
ռազմական թևը ի զորու չգտնվեց պայքարել «ռազմական կոմիտեի»
սպաների դեմ, և դրա պատճառներից մեկն այն էր, որ վերջիններս
աներևակալիորեն լավ էին կազմակերպված: Նրանց գործողություն-
ները չափազանց համաձայնեցված էին և բանիմաց ձևով մշակված:
Կարծում ենք՝ «ռազմական կոմիտեի» հաջողության հաջորդ պատճառն
այն էր, որ կոմիտեն կազմված էր գերազանցապես Սիրիայի փոքրա-
մասնություններից և օգտագործում էր «արյան կանչի» գործոնը իր
գործողությունները հաջողությամբ պսակելու համար: Աֆլակն ու Բի-
թարը նրանց անվանում էին «քութրիյեն»` ծայրամասայիններ: Ավելի
ուշ` 1966 թ. փետրվարից հետո, կոմիտեի ալավի անդամները կազմա-
կերպությունից դուրս թողեցին դրա իսմաիլական և դրուզ անդամ-
ներին` դրանով իսկ ապահովելով քաղաքական և ռազմական մեծա-
մասնություն:
Այսպես`գերակա դիրք ստանալով բանակում և այլ կուսակցու-
թյունների շրջանում` «ռազմական կոմիտեն» այժմ սկսեց պայքարը
Բաասի ներսում:
«Ռազմական կոմիտեն» մշտապես կարողանում էր ներկուսակ-
ցական վիճելի հարցերում ձայների մեծամասնության հասնել: Բանն
այն է, որ նրանք յուրաքանչյուր քվեարկությունից առաջ ունենում էին
ներքին քննարկում կոմիտեի անդամների կարծիքների բարձրաձայն-
մամբ: Նրանց ներքին քննարկման ժամանակ ի հայտ եկած տարա-
ձայնությունները երբեք չէին արտահայտվում կուսակցությանը ներկա-
յացնելու ժամանակ, և բոլորը քվեարկում էին կոմիտեի ներսում ընդհա-
նուր հայտարարի եկած որոշման համաձայն:
Van Dam N., նշվ. աշխ., էջ 10:
Ղարիբջանյան Գ., Հաֆեզ ալ Ասադը և ուղղիչ շարժումը Սիրիայում, Երևան,
2012, էջ 23:
59
15
16