Եգիպտական զորքերը հաջողությամբ անցան Սուեզի ջրանցքը և , ճեղքելով իսրայելցիների կոզմից կառուցված հզոր պաշտպանական ‹‹ Բար- Լևի գիծը ››, գրավեցին Սինայի թերակղզու մի մասը : Ռազմական այս հաջողությունը մեծ ոգևորություն առաջացրեց արաբական աշխարհում և շփոթվածություն` Իսրայելում : Սակայն Եգիպտոսը չօգտագործեց իր ռազմավարական հաջողությունները զարգացնելու հնարավորությունը , և Սադաթի հրամանով եգիպտական զորքերի հարձակողական գործողությունները դադարեցվեցին : Դա կատարվել էր ‹‹ սահմանափակ պատերազմի ›› վերաբերյալ Ա . Սադաթի պլանի համաձայն , որը ողբերգության վերածվեց հետագայում իսրայելական շրջափակման մեջ հայտնված եգիպտական զորաբանակի համար 7 :
Հարձակողական գործողությունների դադարեցումից շատ լավ օգտվեց Իսրայելը : Վերջինիս բանակը շատ շուտ ուշքի եկավ , վերակազմավորեց իր ուժերը և անցավ հակահարձակման եգիպտական , ապա նաև սիրիական ռազմաճակատներում և հասավ նոր հաջողությունների :
Հոկտեմբերի 9-12-ը ՄԱԿ-ի Անվտանգության խորհուրդը քննարկեց ստեղծված իրադրությունը և 1973 թ . հոկտեմբերի 22-ին ընդունվեց № 338 բանաձևը 8 : Ըստ այդ բանաձևի նախատեսվում էր ՝ 1 . Կրակի անհապաղ դադարեցում , 2 . ՄԱԿ-ի ԱԽ-ի 1967 թ . № 242-րդ բանաձևի անհապաղ կատարում , 3 . Բանակցությունների սկսում շահագրգիռ կողմերի միջև : Սակայն Իսրայելը , խախտելով որոշումը , շարունակում էր հարձակումը : Այդ ընթացքում ՄԱԿ-ի Անվտանգության խորհուրդը ընդունեց նաև № 339 բանաձևը 9 հոկտեմբերի 23-ին և № 340-ը 10` հոկտեմբերի 25-ին , որից հետո միայն կրակը դադարեցվեց :
Արդեն 1973 թ . դեկտեմբերի 21-ին ԱՄՆ-ի նախաձեռնությամբ Ժնևում համաժողով գումարվեց , որի նպատակը Իսրայելի , Եգիպտոսի և Սիրիայի միջև զորքերի տարաբաժանումն էր : Համաժողովի ընթաց-
7
Հովհաննիսյան Ն ., նշվ . աշխ ., Հ . III , էջ 300 :
8
United Nations Security Council Resolution 338 ( 1973 ), http :// www . un . org / en / ga / search / view _ doc . asp ? symbol = S / RES / 338 ( 1973 )
9
Ավելի մանրամասն տե ՛ ս United Nations Security Council Resolution 339 ( 1973 ), http :// www . un . org / en / ga / search / view _ doc . asp ? symbol = S / RES / 339 ( 1973 )
10
Ավելի մանրամասն տե ՛ ս United Nations Security Council Resolution 340 ( 1973 ), http :// www . un . org / en / ga / search / view _ doc . asp ? symbol = S / RES / 340 ( 1973 )
40