MIDDLE EAST HISTORY POLITICS CULTURE XI-XII Middle East | Page 39
կան աշխատանքները սկսել էին դեռևս 1971 թ., երբ Ալեքսանդրիայից և
Կահիրեից ոչ հեռու կառուցվել էին ուսումնական հատուկ կենտրոն-
ներ 4 :
Իսրայելի հետ հարաբերություններրի կարգավորումը և արաբա-
իսրայելական հակամարտության լուծումը Անվար Սադաթին ամենից
շատ հուզող հարցն էր նրա նախագահության առաջին օրվանից: Դա իր
սրությունը չկորցրեց նրա կառավարման ողջ շրջանում: Սադաթին
պետք էր այնպիսի հաղթանակ, որին չէին կարողացել հասնել նրա երեք
նախորդները` Ֆարուկ Առաջինը, գեներալ Նագիբը և Գամալ Աբդել
Նասերը: Նա վստահ էր, որ միայն այդպես կարող է ձեռք բերել այն-
պիսի հեղինակություն, որին անգամ Նասերը կարող էր նախանձել:
Մտածելով ռազմական գործողությունների մասին` նա իր առջև խնդիր
չէր դնում հասնել լիիրավ հաղթանակի Իսրայելի նկատմամբ: Նա գի-
տակցում էր, որ Եգիպտոսը և ողջ արաբական աշխարհը դեռևս պատ-
րաստ չէր դրան: Նրա նպատակն էր հասնել մի փոքր`սահմանափակ
բնույթի հաղթանակի, որը կկապվեր նրա անվան հետ, կվերացներ
Իսրայելի անպարտության առասպելը և կառաջացներ փոփոխություն-
ներ արաբների մտածելակերպում ու հոգեբանության մեջ: Նա հույս
ուներ նաև, որ դա որոշոկի փոփոխություններ կարող է առաջացնել Իս-
րայելի և նրան պաշտպանող արևմտյան պետությունների, առաջին
հերթին ԱՄՆ-ի քաղաքականության մեջ 5 :
1973 թ. հոկտեմբերի 6-ին Եգիպտոսի հարձակմամբ սկսվեց արա-
բա-իսրայելական չորորրդ պատերազմը կամ, ինչպես անվանում են,
‹‹Դատաստանի օրվա›› պատերազմը 6 : Այս անգամ Եգիպտոսի հետ պա-
տերազմի մեջ մտավ միայն Սիրիան, իսկ Հորդանանը ձեռնպահ մնաց:
Сулимов И., նշվ. աշխ., http://topwar.ru/35491-oktyabrskaya-voyna-1973-go-
goda.html .
5 Հովհաննիսյան Ն., Արաբական երկրների պատմություն, Հ.III, Երևան, 2006, էջ
298-299:
6 Հարձակման օրը արաբները պատահական չէին ընտրել: 1973 թ. այդ օրն էր
նշվում հրեաների կրոնական ամենակարևոր տոնը`Յոմ Կիպպուրը (եբր.` יֹום
ּפּור ִּ`)כ ‹‹Քավության օր›› կամ ‹‹Դատաստանի օր››: Դրա ընթացքում հրեաները
պետք է պաս պահեն և ապաշխարության աղոթքներ ասեն: Այդ օրը ավելի
խիստ սահմանափոկումներ են դրվում գործողությունների վրա, քան սովո-
րական շաբաթ օրերին: (Աղբյուրը` Богданов К., "Война Судного дня": затре-
щина,
которая
отрезвила
элиты
Израиля,
http://ria.ru/analytics/20131006/967823621.html):
39
4