պետությունների կառավարություններին կանգնեցնել էթնիկական , ազգային , կրոնական խմբերի թիրախավորված ոչնչացումը : Հենց այդ օրենքն էր , որ Լեմկինը ներկայացրեց իր եվրոպացի ( իրավունքի մասնագետ ) կոլեգաներին 1933 թ . Մադրիդում գումարված քրեական իրավունքի հիմնահարցերին նվիրված 5-րդ միջազգային կոնֆերանսի ժամանակ :
Մադրիդյան կոնֆերանսում Լեմկինն առաջին անգամ առաջարկեց ստեղծել բազմակողմ կոնվենցիա և մարդկային խմբերի ոչնչացումը որակել որպես միջազգային հանցագործություն 24 : Կոնֆերանսի ժամանակ նա ներկայացնում է օրենքի նախագիծ , որն արգելում էր միմյանց հետ կապված երկու գործողություններ` « բարբարոսությունը » և « վանդալիզմը »: « Բարբարոսությունը » որակվում էր որպես « ազգային , ռասայական , կրոնական և սոցիալական խմբերի կանխամտածված ոչնչացում »: « Վանդալիզմը » նա սահմանում էր որպես « առանձին խմբերի հանճարի արտահայտությունը հանդիսացող արվեստի , մշակույթի գործերի ոչնչացումը »: Այդ երկու գործողությունները` խմբերի և նրանց մշակութային և ինտելեկտուալ կյանքի ոչնչացումը , պատժելի դարձնելը Լեմկինին զբաղեցնելու էր նաև առաջիկա երեք տասնամյակների ընթացքում 25 :
Լեմկինն իր մադրիդյան զեկույցում ուշադրություն էր հրավիրում նաև Հիտլերի վերելքին և Օսմանյան կայսրությունում հայերի ջարդերին , մի հանցագործություն , որը եվրոպացիների մեծամասնությունը կամ անտեսում էր , կամ ներկայացնում որպես « արևելյան » երևույթ : Եթե այն մի անգամ տեղի ունեցավ , պնդում էր երիտասարդ իրավաբանը , այն կարող է տեղի ունենալ այստեղ ( Եվրոպայում ):
Լեմկինն առաջ էր քաշում արմատական առաջարկ : Նա պնդում էր , որ եթե միջազգային հանրությունը երբևէ հույս ունի կանխելու այնպիսի զանգվածային ջարդերը , ինչպիսին հայերի կոտորածներն էին , ապա աշխարհի պետությունները պետք է միավորվեն ՝ կանխելու այդ փորձը : Այսպիսի նպատակ ունենալով մտքում` Լեմկինը նախապատրաստում էր օրենք , որը կարգելի ազգերի , ռասաների , կրոնական խմբերի ոչնչացումը : Ազգային , էթնիկական կամ կրոնական խմբերի ոչնչացման փորձը կդառնա միջազգային հանցագործություն , որը պետք
24
Lemkin R ., Acts Constituting a General ( Transnational ) Danger Considered as Offences Against the Law of Nations , Madrid ( 14 -20 October 1933 ), ( http :// www . preventgenocide . org / lemkin / madrid1933-english . htm ).
25
Power S ., նշվ . աշխ ., էջ 21-22 : 337