բարձի փետուրներով : Նա վախենում էր , որ այն միֆը , թե հրեաները սպանում են քրիստոնյա տղաներին , կարող է հանգեցնել ավելի շատ սպանությունների :
Հաջորդ դրվագը , որը ցնցել էր Լեմկինին , Օսմանյան կայսրությունում հայերի զանգվածային սպանություններն էին : Դրա հետ կապված նա իր ինքնակենսագրականում գրում է . « 1915 թ . գերմանացիներն օկուպացրին Վոլկովսկ քաղաքը և շրջակա տարածքը : Ես սկսեցի ավելի շատ պատմություն ուսումնասիրել , թե ինչպես են ազգային , կրոնական կամ ռասայական խմբերը ոչնչացվել : Ճշմարտությունն ի հայտ եկավ միայն պատերազմից հետո : Թուրքիայում ավելի քան 1.2 միլիոն մարդու մահվան դատապարտեցին առանց պատճառի և միայն նրա համար , որ քրիստոնյաներ էին 7 : Նրանց քշեցին իրենց տներից Եփրատ գետի երկայնքով , և հետո հանկարծ ուղեկցող ժանդարմները սկսեցին կրակել տեղահանվողների վրա : Միայն մի բուռ մարդիկ գոյատևեցին` թաքնվելով իրենց ընկերների մարմինների տակ : Թուրքերն ավելի ուշ մեղադրում էին անզեն հայերին , թե սկսել են կրակել » 8 :
Օսմանյան կայսրության կողմից հայերի զանգվածային սպանությունները Լեմկինի գիտակցության մեջ հետաքրքրություն առաջացրին հայերի ճակատագրի նկատմամբ : Ժամանակի ընթացքում նրա հետաքրքրությունը հայերի նկատմամբ ավելի էր աճում : Հնարավոր է , որ այս հարցում նրա վրա որոշակի ազդեցություն է ունեցել Առաջին համաշարհային պատերազմի ընթացքում ռուսական քարոզչությունը , որում հրապարակայնություն էր տրված հայերի խնդրին 9 :
Երբ Լեմկինն արդեն 21 տարեկան էր և լեզվաբանություն էր ուսումնասիրում Լվովի համալսարանում , պատահաբար տեղական թերթից իմանում է Սողոմոն Թեհլերյանի կողմից Բեռլինում Օսմանյան կայսրության ներքին գործերի նախկին նախարար Թալեաթ փաշայի սպանության մասին 10 : Լեմկինը սկսում է հետևել Թեհլերյանի դատավարությանը :
7
Charny I ., Enciclopedia of Genocide , Institute on the Holocost and Genocide , Volume 1 , 1999 , p . 79 .
8
Ռ . Լեմկինի անտիպ ինքնակենսագրություն , Donna-Lee Frieze , “ Totally Unofficial : The Autobiography of Raphael Lemkin ”, Yale 2013 , p . 19 .
9
Raphael Lemkin and the international debate on the punishment of war crimes ( 1919 – 1948 ), Daniel Mark Segesser and Myriam Gessler , Journal of Genocide Research ( 2005 ), 7 ( 4 ), December , p . 454 .
10
Korey W ., նշվ ., աշխ ., էջ 7-8 : 332