Հանցագործության սահմանման գործում կարևոր պահ էր առանձին խմբերի ոչնչացման մտադրության առկայությունը , որին Լեմկինն իր թղթերում առանձնակի կարևորություն է տալիս` փաստելով , որ և ՛ Հայոց ցեղասպանության , և ՛ հրեաների Հոլոքոստի իրագործման հիմքում ընկած է եղել հայերին և հրեաներին` որպես առանձին խմբերի ոչնչացնելու մտադրությունը . « Երկրորդ հոդվածը խոսում է կոնկրետ մարդկային խմբին ամբողջությամբ կամ մասնակիորեն ոչնչացնելու մտադրության մասին` որպես այդպիսին : Բառերը ավելացվել են այն նպատակով , որ համապատասխանեցվեն այնպիսի իրավիճակները , երբ ոչ ամբողջ խումբն է ոչնչացվում : Օրինակի համար , հրեաների դեպքում ոչ բոլոր 16 մլն-անոց ամբողջ հրեական ցեղն էր ( Հիտլերի - ՆՊ ) վերահսկողության տակ : 6 մլն հրեաների ոչնչացումը նրա կողմից նշանակում է հրեա ազգի մասնակի ոչնչացում , և որը պետք է որակվի որպես ցեղասպանություն : 1,2 մլն հայեր ոչնչացվեցին : 1916 թ . նրանք ներկայացնում էին հայ ժողովրդի զգալի մասը , բայց ոչ ամբողջ հայ ժողովուրդը : Այս խոսքերը արդեն հաստատում են երկրորդ հոդվածը ( ցեղասպանության կոնվենցիայի ) ցույց տալու համար , որ հանցագործները մտադիր են եղել ոչնչացնել խմբին : Ոչնչացումը նշանակում է այնպիսի գործողությունների իրականացում , որոնք հանգեցնում են խմբի վերացմանը : Հրեաները , հայերը , կաթոլիկները և բողոքականներն անցյալում ոչնչացվել են միայն այն պատճառով , որ նրանք տվյալ կրոնական և ազգային խմբերին էին պատկանում : Վերաբերմունքը անհատական հրեայի , հայի , կաթոլիկի կամ բողոքականի նկատմամբ ոչ էական է » 15 :
Ցեղասպանության հանցագործությունը կանխելու և դրա համար պատժի մասին կոնվենցիայի դրույթների վերաբերյալ իր մեկ այլ վերլուծությունում Լեմկինը նշում է , թե քրեական իրավունքում մտադրությունն առաջնային նշանակություն ունի : Կոնվենցիայի երկրորդ հոդվածը պահանջում է , որ մտադրությունը լինի կոնկրետ . « Բավարար չէ սպանել տարբեր կրոնի և ռասայի պատկանող մարդկանց , բայց այդ սպանությունները պետք է կատարվեն որպես մի ծրագրի մի մաս ոչնչացնելու տրված խմբերին : Օրինակ` այն թուրքերը , ովքեր մասնակցեցին 1,2 մլն հայերի բնաջնջմանը , նրանք մեղավոր են ցեղասպա-
15
American Jewish Historical Society , Raphael Lemkin Collection , P-154 ,, Box 6 , Folder 2 , The Truman Doctrine , the Marshall Plan , and the U . N . Action on Genocide , March 29 , 1948 , p . 1 , 2 .
324