րաններն իրավունք կունենան ձերբակալելու և պատժելու ցեղասպանության իրագործման հարցում մեղավոր ցանկացած անձի , որտեղ էլ որ նա այդ պետության տարածքում հայտնաբերվի , եթե նույնիսկ հանցագործությունը կատարվել է արտասահմանում » 9 , - նշում է Լեմկինը , ապա որպես պատժի ենթակա ցեղասպանության օրինակ ներկայացնում Հայոց ցեղասպանության դեպքերը . « Օրինակի համար բերենք թուրքերի կողմից հայերի կոտորածների դեպքը , մի իրադարձություն , որը բոլորը հիշում են : Այն թուրքը , ով մասնակցել է ընդդեմ հայերի Հալեպում ցեղասպանության հանցագործությանը , կարող է հայտնվել Նյու Յորքում , Նյու Յորքի դատարանները կարող են իրավունք ունենալ պատժելու նման իրավախախտներին : Ավելին` ՄԱԿ-ի մարմինները և բնականաբար Անվտանգության խորհուրդը իրավունք կունենան միջամտելու ցանկացած կառավարության գործերին , որը կասկածվում է ցեղասպանության իրականացումը թույլ տալու մեջ : Միջազգային դատարանը կարող է մեղադրանք առաջադրել բարձրաստիճան օրինազանցներին` որպես կառավարության անդամների : Պետք է փոխհատուցում վճարվի զոհ դարձած խմբի փրկված անդամներին » 10 :
1947 թ . հունիսի 26-ին Լեմկինը և իր գործընկերները ներկայացրին « քարտուղարության նախագիծը » ( Secretariat Draft ) ( ՄԱԿ-ի փաստաթուղթ E / 447 ) ` որպես ցեղասպանության կոնվենցիայի առաջին նախագիծ 11 : « Քարտուղարության նախագիծը » լրամշակվեց Տնտեսական և սոցիալական խորհրդի ad hoc հանձնաժողովի կողմից , որում ներկայացված էին պետությունների ներկայացուցիչները : 1948 թ . գարնանը Տնտեսական և սոցիալական խորհուրդը սկսեց վերաձևակերպումներ անել Ցեղասպանության կոնվենցիայում և այդ խնդրի իրականացման համար հրավիրեց 7 պատվիրակություններից կազմված հանձնաժողով , Լեմկինը չընդգրկվեց հանձնաժողովի կազմում , քանի որ նա ոչ պաշտոնական պատվիրակ էր :
9
American Jewish Historical Society , Raphael Lemkin Collection , P-154 , Box 6 , Folder 1 , Transcript of interview of Raphael Lemkin , First draft of transcript , June 12 , 1947 , p . 1 .
10
Նույն տեղում :
11
Secretariat Draft First Draft of the Genocide Convention , Prepared by the UN Secretariat , [ May ] 1947 [ UN Doc . E / 447 ], ( http :// www . preventgenocide . org / law / convention / drafts /).
322