Իրաքին , ինչի արդյունքում պատերազմի ավարտից հետո քաղաքական մեկուսացման դատապարտվեցին :
Հորդանանի թագավոր Հուսեյնն ամեն կերպ փորձում էր ստեղծել այնպիսի իրավիճակ , որի շնորհիվ Սադդամը կլքեր Քուվեյթը` պահպանելով դեմքը : Եթե դա հաջողվեր , ապա Սադդամը կհայտարարեր գաղափարական հաղթանակ և էլ ավելի կամրապնդեր իր դիրքերը 19 : Հորդանանի արտաքին քաղաքականությունը հիմնականում կապված էր իր աշխարհագրական դիրքից և հարևաններից յուրաքանչյուրի հետ ունեցած վատ հարաբերություններից : Այն տնտեսապես , քաղաքականապես և ռազմական առումով բացահայտորեն ավելի թույլ էր իր բոլոր հարևաններից , հենց դա էլ հիմք հանդիսացավ արտաքին քաղաքականությունում ավելի շատ ճկունություն ցուցաբերելու համար :
Ինչպես նշում է Բասսալ Սալուխը` « Հուսեյն թագավորի օրոք Հորդանանի արտաքին քաղաքականությունը հիմնականում միտված էր վարչակարգի պահպանմանն ու գոյատևմանը »: Հուսեյնը հրաժարվեց միանալ հակաիրաքյան դաշինքին , սակայն հրաժարվեց նաև զորք ուղարկել ի պաշտպանություն Իրաքի : Նա դեմ արտահայտվեց և ՛ Իրաքի կողմից Քուվեյթ ներխուժմանը , և ՛ որևէ արտաքին միջամտությանը` բացառությամբ արաբական երկրների 20 :
Ծոցի 1990-1991 թթ . պատերազմում Հորդանանի թագավոր Հուսեյնի որդեգրած դիրքորոշման դրդապատճառներից մեկն էլ այն էր , որ Սադդամ Հուսեյնի տապալումից հետո Սիրիայի նախագահ Հաֆեզ Ասադը իր հայացքը կարող էր ուղղել դեպի Ամման 21 :
Հորդանանի ցուցաբերած դիրքորոշումը ի վերջո չբավարարեց կողմերից ոչ մեկին : Պատերազմից հետո ԱՄՆ-ը , ՄԹ-ն և Ծոցի արաբական միապետությունները ոչ միայն դադարեցրին ներդրումներն ու նավթային մատակարարումները Հորդանան , այլև արտաքսեցին հարյուր հազարավոր հորդանանցի և պաղեստինցի աշխատավորների 22 :
19
Kirdar N ., Saving Iraq . Rebuilding a broken nation , London , 2009 , p . 67 . Bregman , Ahron , El-Tahri and Jihan , The fifty years of war : Israel and Arabs , 1998 , p . 203 .
20
Ryan C ., նշվ . աշխ ., էջ 45 , Salloukh B ., State Strenght , Permeability , and Foreign Policy Behavior : Jordan in Theoretical Perspective , Arab Studies Quarterly , Vol . 18 , No . 2 ( Spring 1996 ), pp . 37-65 .
21
Drysdale A ., Hinnebusch R ., Sirya and the Middle East Peace Process , New York , 1991 , p . 72 .
22
Ryan C ., Jordan ’ s changing relations , Middle East Insight , 2000 , pp . 83-87 . 32