Նրանցից յուրաքանչյուրն ունի իր պատմությունը : Երկու հայ երեխայի ճակատագիր , որոնք ունեն շատ ընդհանրություններ և տարբերություններ : Երկուսն էլ ամբողջությամբ կամ մասամբ կորցրել են իրենց ընտանիքը , երկուսն էլ փրկվել են հրաշքով : Նրանցից մեկի պատմությունը դեռևս իր կենդանության օրոք իմացել է ամբողջ աշխարհը , իսկ մյուսի մասին` շատ քչերը : Այնուամենայնիվ , երկուսն էլ ներկայացնում են Մեծ եղեռնի սարսափներով անցած հայի պատմություն :
Պետք է նշել , որ Ցեղասպանության թանգարանի նոր ցուցադրության բացումից մինչև այսօր թանգարանում եղել են բազմահազար այցելուներ , և բոլոր այցելուների շրջանում այս երկու պատմությունները մեծ հետաքրքրություն են առաջացնում : Ավելին` Ավրորային նվիրված սրահում փոքրիկ ֆիլմի ցուցադրությունն իր մոտ է հավաքում այցելուների մեծ մասին : Այսպես , մեր դիտարկումների համաձայն 10 այցելուից 8-ը թանգարանում անցկացրած ժամանակի գրեթե 40 % -ն անցկացնում է Ավրորայի սրահում 14 : Դա պայմանավորված է ոչ միայն մեկ հայի ճակատագրի ներկայացման բարձր որակով , այլ նաև մեկ պատմության ունեցած ազդեցիկությամբ :
Նման իրողություն է առկա նաև Մուշեղիկին նվիրված հատվածում : Այստեղ արդեն մենք ականատես ենք լինում այն բանին , որ 10 այցելուներից 4-5-ը լուսանկարում է ցուցապատին պատկերված Մուշեղիկի լուսանկարը կամ էլ պարզապես ինքն է լուսանկարվում այդ նկարի կողքին 15 : Այսինքն այս պատմությունը ևս առանձնահատուկ ուշադրության է արժանանում այցելուների կողմից :
Հայոց ցեղասպանությունը վերապրած այս երկու երեխաների պատմությունները և այդ պատմությունների մատուցելը իրազեկում են ցեղասպանության սարսափների ու մեր կորուստների մասին : Բայց մյուս կողմից այս փոքրիկների պատմությունները խորհրդանշում են նաև հայ ժողովրդի վերածնունդը և ապրելու մեծ ուժը :
Անշուշտ այս դիտարկումը մենք կատարել ենք բացառապես թանգարանի` որպես ցեղասպանության մասին պատմող և կրթող հաստատության գործառույթների տեսանկյունից : Սակայն դա էլ բավարար
14
Հաշվվել և վերլուծվել են 2015 թ . մայիս 1-ից մինչև հունիսի 1-ը Հայոց ցեղասպանության թանգարան-ինստիտուտ կատարված այցելությունները :
15
Ինչպես նախորդ դեպքում հաշվվել և վերլուծվել են 2015 թ . մայիս 1-ից և մինչև հունիսի 1-ը Հայոց ցեղասպանության թանգարան-ինստիտուտ կատարված այցելությունները :
305