Մինչև իրաքյան ներխուժումը Քուվեյթ Հորդանանը երկակի խաղ էր խաղում : Օգնելով 1989 թ . ստեղծել Արաբական համագործակցության խորհուրդը ( որը միտված էր կարգավորելու աշխատանքի և կապիտալի շարժը անդամ պետությունների միջև ) ` Հուսեյն թագավորը պարբերաբար արծարծում էր խորհրդին ռազմական ուղղվածություն տալու գաղափարը և միաժամանակ փորձում միջնորդի դեր խաղալ սիրիա-իրաքյան հարաբերությունների բարելավման գործընթացում 8 : Սակայն Եգիպտոսի նախագահ Հոսնի Մուբարաքը ամեն կերպ ընդդիմանում էր Արաբական համագործակցության խորհրդում փոփոխություններ մտցնելու Հուսեյնի նախաձեռնություններին 9 :
1990 թ . մայիսի 28-30-ը Բաղդադում անցկացվեց համաարաբական գագաթնաժողով , որին ներկա չեղավ սիրիական ( այդ թվում նաև լիբանանյան ) պատվիրակությունը : Արևմուտքում աճող բողոքների պայմաններում գագաթնաժողովը ընդունեց բանաձև , որով ճանաչեց Իրաքի « իրավունքը զարգացնել գիտությունն ու տեխնոլոգիաները » և « պաշտպանվել բոլոր հնարավոր միջոցներով` իր դեմ ոտնձգություններից » 10 :
Այնուհետև` 1990 թ . հուլիսի 16-ին , Իրաքի արտաքին գործերի նախարար Թարիք Ազիզը երկար հուշագիր հղեց Արաբական լիգայի գլխավոր քարտուղար Չեդլի Քլիբիին , որում մեղադրեց Քուվեյթին և ԱՄԷ-ին Իրաքի դեմ համաձայնեցված հանցանքներ գործելու մեջ : Այդ մեղադրանքների շարքում էին նավթի պաշարների ավելացումը , իրանիրաքյան պատերազմի ժամանակ Իրաքի կուտակած պարտքերը չեղարկելուց հրաժարվելը 11 , Քուվեյթին պատկանող Ծոցի կղզիներից Իրաքին օգտվելու իրավունք չտրամադրելը և այլն : Նմանատիպ մեղադրանքներ հնչեցրեց նաև անձամբ Սադդամ Հուսեյնը Սաուդյան Արաբիայի , Քուվեյթի ու ԱՄԷ-ի դեմ : Ըստ Սադդամի ՝ իրան-իրաքյան պատերազմից հետո նշված երկրները նպատակային ձևով ավելացրին նավթի արդյունահանումը , ինչի հետևանքով համաշխարհային շուկա-
8
Ryan C ., Jordan and the rise and fall of the Arab Cooperation Council , Middle East Journal , 1998 , pp . 386-401 , Baram A ., Baathi Iraq and Hashemite Jordan : from hostility to alignment , Middle East Journal , 1991 , pp . 51-70 .
9
Maddy-Weitzman B ., նշվ . աշխ ., էջ 7 :
10
Նույն տեղում , էջ 8 :
11
Մեկնաբանվում էր , թե Իրանի դեմ պատերազմը ձեռնտու է եղել նաև Ծոցի արաբական երկրներին :
29