առանձնահատկությունն անցյալի վերաբերյալ քննադատական մոտեցումն էր 4 :
Ինչպես արդեն նշվեց , դրամատուրգիայի ոլորտում Աուեզովի առաջին ստեղծագործությունը 1917թ . գրված « Ենլիկ և Քեբեք » պիեսն էր : Պիեսի առաջին և սկզբնական տարբերակը Աուեզովը մշակել էր 1917թ . ` դեռևս 20 տարեկան հասակում : Հետագայում 40 տարվա մեջ նա հինգ անգամ փոփոխում է պիեսի սկզբնական տարբերակը , և 1952 թվականին այն վերջնական և ժամանակակից տեսքով բեմադրվում է Ղազախստանի ակադեմիական թատրոնում ( 1926թ .) 5 :
« Ենլիկ և Քեբեք » պիեսի անդրանիկ բեմադրման հետ կապված է մի հետաքրքիր պատմություն . «... Այս ժամանակ արդեն ղազախական տափաստանում ստեղծվել էին երիտասարդական ակումբներ : Աուլների երիտասարդները մասնակցում էին ակումբային կյանքին : Եվ պատահական չէ , որ ռուսական դպրոցում կրթություն ստացած Մուխթարը որոշում է յուրօրինակ նվեր անել ամուսնացողներին : Յոթ օրվա ընթացքում նա գրում է մի պիես , որի հիմքում ժողովրդական պատմությունն էր երկու սիրահարների`Ենլիկի և Քեբեքի մասին : Բայց աղջիկները հրաժարվում են խաղալ Ենլիկի կերպարը , և սիրահար աղջկա կերպարը ստիպված է լինում մարմնավորել յիգիթ Ահմեդը : Մասնակցող երիտասարդները գրել-կարդալ չգիտեին , որ իրենց դերերն անգիր անեին , և հեղինակը դառնում է նաև հուշարար : Թաքնվելով արկղի մեջ`նա հուշում էր « դերասաններին »: Բայց երիտասարդ աղջիկները , նկատելով թաքնված հուշարարին , սկսում են նրա խոսքերը փոփոխելով`շեղել բեմի վրա գտնվող երիտասարդներին : Արդյունքում « դերասանները » դիմում են իմպրովիզի` հորինելով համապատասխան այտըսներ :... Այս անսովոր դեպքի մասին գրեց նաև նահանգային թերթը » 6 : Իհարկե , պիեսի հետ կապված այս պատմությունը գուցե և չափազանցված է , սակայն սա վկայությունն է այն բանի , որ պիեսն առանցքային է ոչ միայն Աուեզովի ստեղծագործական կյանքի սկզբնական շրջանի , այլև ղազախական դրամատուրգիայի համար առհասարակ :
4
Шарипов А ., Традиции и новаторство в казахской литературе , Алма-Ата , 1984 , с . 19 .
5
Лизунова Е ., Дюсенбаев И ., Мухтар Ауэзов к 60-летию , КазГосИзд Худ . Лит ., Алма-Ата , 1952 , с . 11 .
6
Նույն տեղում , էջ 9 : 255