վերջացրած վարձը չվճարող կենվորներին տնից դուրս հանելով : Եթե վախենալով անցյալից , Մահմուդը միայնակ Յուսուֆի ծխախոտն է ծխում , ապա Այդընը , վախենալով Նիհալին բաց թողնելուց և միայնությունից , ազատ է արձակում նոր գնված վայրի նժույգին :
Տաղանդավոր Ջեյլանը ձմեռային քնի մթնոլորտը ավելի արտահայտիչ է դարձնում Կապադովկիայի լեռների , ձյան , անմարդաբնակ լանդշաֆտների կադրերի միջոցով , իսկ պատկերների սառը գույները և Շուբերտի անմահ երաժշտությունը ստիպում են ավելի խորը ընկալել մարդկային հարաբերությունների բարդությունը , դրանց առաջացրած անտանելի ցավն ու կսկիծը , մարդկանց միջև առաջացող անդունդը :
Վերևում նշված բոլոր ռեժիսորներից Բիլգե Ջեյլանը , նախ և առաջ , տարբերվում է նրանով , որ երբեք չի անդրադառնում քաղաքական խնդիրներին , իսկ սոցիալական խնդիրները , որոնք մյուսների սցենարների հիմնաքարն են հանդիսանում , Ջելյանի ֆիլմերում ծառայում են որպես ֆոն : Նուրին , ով միշտ շեշտում է , որ ինքը կրում է ճապոնացի ռեժիսոր Յասուջիրո Օձուի ազդեցությունը , մարդկային հարաբերությունների , նրանց զգացմունքների արտահայտմամբ ավելի նման է իտալական նեոռեալիզմի հանրահայտ ռեժիսոր Միքելանջելո Անտոնիոնիի ոճին , իսկ մյուս կողմից չեխովյան ոգեշնչանքի օրինակները ֆիլմում բազմազան են : Մի անգամ , երբ Անտոնիոնիին հարցրին ՝ արդյո ՞ ք նրա ֆիլմերը մարդկային զգացմունքների ճգնաժամի մասին են , նա պատասխանեց . « Ո ՛ չ , դրանց բացակայության մասին են »: Մինչդեռ Չեխովի հերոսները միշտ ուժ են գտնում իրենց մեջ թեկուզ վերջում ասել այն , ինչ իրենց այդքան երկար տանջել է : Ջեյլանի հերոսները գտնվում են այս երկու հսկաների կերտած կերպարների մեջտեղում , բայց գլորվում են դեպի անտարբերություն և դատարկության ճահճուտ : Այնուամենայնիվ , Ջեյլանի ֆիլմի վերնագիրը լավատեսության նշույլներ է պարունակում . ձմեռային քուն , որն ավարտվելու է , և մարդիկ վերգտնելու են իրենց իդեալները , զգացմունքները և սերը :
KARAPOGHOSYAN SONA ( YSU ) THE PHENOMENON OF TURKISH POETIC MOVIES : UNIVERSAL PROBLEMS IN FILMS BY NURI BILGE CEYLAN
The second half of 20 th century was turning point in history of world cinematography . There was a start of “ New Wave ” of cinema in countries
251