MIDDLE EAST HISTORY POLITICS CULTURE XI-XII Middle East | Page 25
այնուամենայնիվ, երկրի ղեկավարի համար չդարձան ընկրկման
պատճառ: Դրսևորելով կամային գերագույն հատկանիշներ՝ նա յուրա-
քանյուր անաջողությունն ընդունեց որպես փորձ, որը խելացիորեն օգ-
տագործեց իր հետագա ռազմավարական քայլերի կառուցման համար:
Մուհամմադ Ալիի օրոք բանակի համալրման և կառավարման
մշակույթը ձևավորվեց եվրոպական, մասնավորապես՝ ֆրանսիական
ռազմական ուժերի կառավարման մեթոդների և մոտեցումների հիման
վրա: Սակայն առաջադեմ մոտեցումների կիրառումը այնքան հեշտ
չիրականացավ, ինչպես ենթադրում էր Մուհամմադ Ալին: Բանակի
վերակառուցման գործընթացում էական դեր ունեցավ եգիպտացիների
դերի բարձրացումը, ովքեր բնականաբար առանձնանում էին իրենց
անձնվիրությամբ և հավատարմությամբ: Բանակը բարձրակարգ մաս-
նագետներով համալրելու նպատակով երկրի ղեկավարը նաև հատուկ
ուշադրություն սկսեց դարձնել ռազմական կրթությանը՝ հրավիրելով
օտարերկրյա մասնագետների, ինչպես նաև կազմակերպելով իր քա-
ղաքացիների ռազմական ուսումը Եվրոպայում: Այսպես Մուհամմադ
Ալին ապահովում էր բանակի ոչ միայն ուժային, այլ նաև մտավոր
զարգացումը:
Կարևորելով մարդկային գործոնի դերը բանակի կայացման
հարցում՝ Մուհամմադ Ալին պակաս տեղ չէր հատկացնում նաև բա-
նակի տեխնիկական վերազինմանը և արդիականացմանը, ինչի համար
հսկայական միջոցներ էր տրամադրում երկրի բյուջեից:
Ընդհանուր առմամբ անհրաժեշտ է նշել, որ Մուհամմադ Ալիի
դերը Եգիպտոսի բանակի զարգացման գործում անգնահատելի է և
բացառիկ: Բանակի կառավարման մի շարք մեթոդներ և մոտեցումներ,
որոնք միշտ չէ, որ հավանության էին արժանանում և հաջողությամբ
պսակվում, այնուամենայնիվ, որակապես փոխեցին եգիպտական բա-
նակի կառուցվածքը և թույլ տվեցին տևական ժամանակահատվածում
ապահովել երկրի անվտանգությունը և համեմատական անկախու-
թյունը:
25