MIDDLE EAST HISTORY POLITICS CULTURE XI-XII Middle East | Page 24
մար։ Մուհամմադ Ալիի նախաձեռնությամբ պետական միջոցներով
ստեղծվեցին բարձրաշխարհիկ հանրակրթական և մասնագիտական
ուսումնական հաստատություններ եվրոպական օրինակով։ 1844 թ․
Եգիպտոսի կառավարության կողմից Փարիզում կազմակերպվեցին
բարձրագույն զինվորական դասընթացներ (Մադրասա ղարբիյա), քանի
որ գանձարանի համար ավելի հեշտ և ձեռնտու էր ուսանողներին
ուղարկել Փարիզ, քան Եգիպտոս հրավիրել որակյալ ֆրանսիացի մաս-
նագետներ 32 ։ Հատկանշական է, որ 1813-1848 թթ․ ընթացքում ար-
տասահմանում տարբեր մասնագիտություններ սովորեցին 339 ուսա-
նողներ, որոնց մեծամասնությունը սովորում էր կամ զինվորական, կամ
բանակի կարիքներին անհրաժեշտ մասնագիտություններ։ Ընդհանրա-
պես 1826-1882 թթ․ եվրոպական երկրներում կրթություն ստացան 1000-
ից ավել եգիպտացիներ, ընդ որում՝ նրանց կեսից ավելին սովորում էր
Ֆրանսիայում, 16%-ը՝ Անգլիայում և 23%-ը՝ այլ երկրներում 33 ։ Կրթա-
կան բարեփոխումները հեղափոխական նշանակություն ունեին Եգիպ-
տոսի ապագայի համար, եգիպտացիների համար մուտք բացելով, ծայ-
րահեղ դեպքում տեսականորեն, կրթության բոլոր աստիճանների հա-
մար, ինչը իր հերթին նրանց հետագայում հնարավորություն էր տալիս
զբաղեցնել պաշտոններ պետական համակարգում, այդ թվում՝ նաև
բանակում, ինչը նախկինում անհասանելի էր։
Եգիպտոսի վերափոխման հսկայական ծրագի