տասարդ է եղել : Եվ միայն ֆիլմի վերջին դրվագում , երբ արդեն Յուսուֆը հեռացել է , նա վերցնում է երիտասարդի թողած ծխախոտը ՝ մի քանի րոպեով վերադառնալով անցյալ :
Մահմուդի իդեալների , կյանքի իմաստի կորստի մասին հասկանում ենք կարճատև զրույցների ժամանակ , երբ նա ասում է , որ լուսանկարչությունը մահացել է , իսկ մեկ այլ դրվագում , երբ նա որոշում է գյուղական հրաշալի տեսարան նկարել , միանգամից մտքափոխվում է , քանի որ ըստ նրա , դա ոչ ոքի պետք չէ : Նույն գաղափարն է արտահայտում նաև Ջեյլանը , երբ փորձում է մեկնաբանել իր ֆիլմի ամենաաղմկահարույց տեսարանը , երբ Մահմուդը դիտում է Տարկովսկու « Ստալկեր » ֆիլմը , իսկ երբ զարմիկը գնում է քնելու , նա անջատում է Տարկովսկուն և միացնում ֆիլմ մեծահասակների համար : Նուրին ասում է , որ այս տեսարանի բանալին պետք է փնտրել նախորդ կադրում , երբ հերոսը զրուցում է իր ընկերների հետ : Ընկերներից մեկն հարցնում է , թե ո ՞ ւր են անհետացել Մահմուդի իդեալները , չէ ՞ որ նա երազում էր Տարկովսկու նման ֆիլմեր նկարել : Եվ նա , գալով տուն , միացնում է ֆիլմը , որպեսզի վերագտնի իր իդեալները , սակայն ի վերջո անջատում է , քանի որ առանց դրանց ավելի հեշտ է 6 :
Ջեյլանի ֆիլմում հատուկ տեղ է հատկացված նաև Ստամբուլին : Ռեժիսորը , ով մասնագիտությամբ լուսանկարիչ է , ներկայացնում է քաղաքը իր ողջ գեղեցկությամբ , բայց միևնույն ժամանակ այն փորձում է համադրել գլխավոր հերոսի հոգեվիճակի հետ : Մահմուդի Ստամբուլը դատարկ է , մոխրագույն ու գորշ , իսկ անվերջ տեղացող ձյունն անգամ հանդիսատեսին է հասցնում հուսահատության եզրին : « Հեռավորություն » -ը նաև հարուստ է սիմվոլներով , օրինակ ՝ դանդաղ ընկնող լուսամփոփը , գիշերային փոքրիկ լույսը , խոհանոցի մուկը , որին Մահմուդը ցանկանում է բռնել , բայց չի համարձակվում սպանել :
Ջեյլանի ֆիլմաշարում առանձնահատուկ տեղ ունի « Ձմեռային քունը », որը հիմնված է չեխովյան երկու կարճ պատմվածքների վրա ՝ « Լավ մարդիկ » և « Կինը »: Անձամբ ռեժիսորը ժխտում է , որ ֆիլմը պատմվածքների էկրանավորում է , սակայն շեշտում է , որ Չեխովի
6
Guardian interviews at the BFI , Nuri Bilge Ceylan , http :// www . theguardian . com / film / 2009 / feb / 06 / nuri-bilge-ceylan-interview-transcript 249