MIDDLE EAST HISTORY POLITICS CULTURE XI-XII Middle East | Page 221
Գուջարա-Պրատիխարների իշխանությունն էր` Կանաուջ կենտրոնով:
Քաղաքական նախադրյալներից կարելի է համարել նաև
Հնդկաստանում գոյություն ունեցող կաստայական համակարգը 11 , որի
վերին օղակները քաղաքականացված էին` համարվելով իշխող վեր-
նախավ: Պատահական չէ, որ արտաքին ուժերի կողմից այս հանգա-
մանքն օգտագործվել է նվաճումների իրականացման և իշխանության
ամրապնդման համար: Օրինակ` հոների ներթափանցումը Հյուսի-
սային Հնդկաստան համընկնում է հասարակության կառուցվածքում
տեղի ունեցող սոցիալական տեղաշարժերի հետ: Եկվորներն իրենց
ներկայացնում էին որպես վեդայական քշատրի կաստայի ներկայա-
ցուցիչներ: Սկսվում է տեղի բնակչության հետ միախառման գործըն-
թացը (ռազմապես եկվորներն ավելի ուժեղ էին և հանդես էին գալիս
իշխողի դիրքերից): Այս գործընթացների արդյունքում ձևավորվում է
հասարակության նոր խավ (կաստա)` ռաջպուտներ: Արաբների իշ-
խանության ամրապնդման և իսլամի տարածման գործում ևս կարևոր
դեր է խաղում կաստայական համակարգը: Իսլամը շատ արագ ըն-
դունվում է քաղաքական և ռազմական վերնախավի` քշատրիների
կողմից: Սրան նպաստում է նաև այն, որ Խալիֆայությունում պետա-
կան կառավարման բարձր պաշտոնները տրվում էին մուսուլման-
ներին, իսկ հնդիկ ավագանին չէր ցանկանում դուրս մնալ կառավա-
րումից և զրկվել իր զբաղեցրած դիրքերից:
Քաղաքական ևս մեկ կարևոր նախադրյալ կարող ենք համարել
գաղափարական մասնատվածությունը: Քաղաքական տարբեր ուժեր
իրենց իշխանության ամրապնդման համար օգտագործում էին տարբեր
կրոնական ուսմունքներ, որոնցով հարուստ էր Հնդկաստանը: Խարշան
պետության միասնականության ամրապնդման գաղափարական հիմք
է ընտրում բուդդայականությունը, որն արաբական նվաճումների շրջա-
նում արդեն զիջել էր իր դիրքերը և աստիճանաբար դուրս էր մղվում:
Ռաջպուտներն էլ իրենց ծագումը կապելով առասպելական հերոս-
ների` հատկապես Ռամայի անվան հետ, սկսում են առաջ քաշել դա-
սական հինդուիզմը, որը մինչ այդ եկրորդական հիմքերի վրա էր
դրված: Արաբներն էլ անմասն չեն մնում այս մոտեցումից, սկսում են
իրականացնել իսլամականացման քաղաքականություն: Միաստվա-
Դեռևս հնագույն ժամանակներից Հնդկաստանի հասարակությունը հստա-
կորեն շերտավորված էր: Այն բաժանված էր չորս խավերի, որոնք անվանվում
էին վառնա (հետագայում կաստա). դրանք էին բրահման, քշատրի, վայշի,
շուդրա:
221
11